[A:579]pa'i rkyen gyur srid zhi'i dpal 'byor rnams/ /dbyar mtsho ji bzhin ngang gis 'phel rgyas shog /las dbang rten 'brel med na da ko ni/ /zla ba'i bar du'ang 'gyang ba'i skabs med par/ /zag snod 'khrul 'khor 'di dang bral byas nas/ /yid la gcags pa'i gnas der myur bgrod shog /sa 'dzin skya bor ngo mtshar rol rtsed mkhan/ /brgyud par bcas pa'i phrin las rtsa lag mchog /yig gnyis don ldan 'dren pa'i ring lugs mchog /srid mtha'i bar du mi nyams rgyas par shog /kye ma da dung smre sngags smon lam ni/ /sdom brtson bung bas ngad ldan me tog las/ /blangs pa'i sbrang rtsi mchog gsum mchod pa'i thebs/ /'dzoms pa rnams kyi bsam sbyor kun zhi shog /sems can gcig la phan na'ang bdag cag lus/ /gtong ba'i dam bcas yod na bstan 'gro la/ /phan na se gol gtogs pa'i tshe med kyang / /bstan 'gro'i glud du bdag cag 'gyur bar shog /bdag gis bsam pa thag pa'i smon lam 'di/ /mthong thos dran par 'gyur ro cog kun gyi/ /rgyud la nges 'byung blo yis rgyud bskul nas/ /mngon mtho nges legs sa bon thebs par shog /bdag la blo gtad shi gson grangs med kun/ /mchog gsum thugs rje'i gzigs pa dri med dang / /chos nyid 'gyur med rten 'brel bslu med mthus/ /gnas skabs mthar thug don gnyis lhun grub shog /mdor na nam mkha'i mtha' khyab yid can rnams/ /gang 'dul thabs kyis mthar thug gnas khrid pa'i/ /kun mchog rdo rje 'chang gi go 'phang mchog /'gyang med myur du thob pa'i bkra shis shog /dngos brgyud bla ma lha dang dkon mchog gsum/ /bstan srung nor lha'i byin rlabs mthu dpal gyis/ /phyogs dus kun du srid dang zhi ba yi/ /dge legs phun sum tshogs pa'i bkra shis shog /ces pa rgyal bas lung bstan pa'i skyes bu chen po rdo rje 'chang kun dga' bzang po'i rnam par thar pa legs bshad chu bo 'dus