[A:578]'byung gsung ngag bstan pa rgyas pa'i nyi 'od kyi kha skong kun mkhyen gung ru dang chos rje go bo rab 'byams pas mdzad pa gnyis kyis kha skong du byas pa zhig gsung ngag sngon 'gror cis kyang dgos par snang bas kho bo cag gis kyang bar chad ma byung zhing / mthun rkyen rten 'brel 'grigs na 'dri bar spro la/ gal te ma grub na phyi nas 'byon 'gyur dag gis mdzad par gsol ba 'debs so/ /e waM chos ldan rdo rje'i gdan spo las/ /phrin las 'od stong phyogs brgyar 'gyed mkhas pa'i/ /chos kyi nyin byed rim par byon pa rnams/ /nges par shAkya'i rgyal dang bye brag ci/ /bar skabs kyi tshigs su bcad pa'o/ /de rnams kyis ni rgyal bas lung bstan kun dga' bzang po'i rnam par thar pa rags pa tsam bstan zin to// //dpal ldan khyab bdag rdo rje 'chang dbang gi /de rten ston pa'i yon tan mkha' 'dra ba/ /'phags blo'i mkha' lding bgrod pas gzhal min na/ /blo chung sbrang bu'i 'dab mas ga la zhig /'on kyang tshur mthong byis blo'i ngo mtshar gtam/ /skra rtse'i chu thigs tsam zhig gus 'thor bas/ /phyogs lhung tsha ba'i rims la ga bur bzhin/ /dag snang bsil ba'i dngos pos kun dger shog /e waM chos ldan longs sku'izhing mchog 'dir/ /phun tshogs lnga ldan 'byor pa cher rgyas shing / /zung 'jug gsang chen theg pa'i chos 'khor gyis/ /'khor ba ji srid gdul bya smin grol shog /yangs pa'i 'jig rten khams kyang dus 'khrugs sogs/ /snyigs ma'i rgud pa kun las rnam grol zhing / /bde 'byor dpag yas dkon mchog rnam gsum gyi/ /thugs rje dkar pa'i snang bas khyab par shog /kho bo cag kyang deng nas byang chub bar/ /bco brgyad dal 'byor sdom gsum bslab pas bsdams/ /thos bsam sgom pa'i nor bus yongs bkang nas/ /ris med 'gro la phan bde'i byed por shog /khyad par tshe 'dir bstan 'gror phan pa yi/ /las 'brel yod na 'ga' rkyen kun zhi zhing / /mthun