[A:33]phyir/ /'bral ba med sems spobs pa skyes par gyur/ /bdag kyang skye ba 'di nas bzung nas ni/ /rdo rje 'dzin pa'i go 'phang ma thob par/ /bla ma'i zhabs kyi padma rtag brten cing / /snyan brgyud bzhi yi dpal la rol par shog /dam pa'i yon tan dpag yas rgya mtsho las/ /chu thigs tsam zhig brjod pa'i dge ba des/ /nam mkha'i mtha' klas sems can kun don du/ /bcu gsum thar pa'i go 'phang thob par shog /ces pa 'di ni gsung ngag rin po che'i bla ma brgyud pa'i rnam thar gyi kha skong du rang nyid la rtsom par 'dod pa'i blo yod pa dang / gnas skabs su lung dang rigs pa'i dbang phyug mkhan chen dkon mchog dpal ba la sogs pa dge ba'i bshes gnyen du mas nan gyis bskul ba la brten nas 'khon gyi rigs can a wa dhU tI pa'i btsun pa blo gros rgyal mtshan dpal bzang pos sgyur byed kyi lo/ smin drug zla ba'i tshes bco lnga'i nyin chos grwa chen po dpal 'khor bde chen legs bshad sgrogs pa'i tshal du yongs su rdzogs par sbyar ba'i ye ge pa ni mangga la shwA ras bgyis pa'o// //bla ma dam pa'i byin rlabs rgyud la 'jug par gyur cig /dge zhing bkra shis// ! gzhan yang dam pa 'di'i rnam par thar pa rgyas pa kun mkhyen go rams pa chen po'i gsung dang mkhas pa gung rus mdzad pa e waM pa'i gdan rabs rnam thar dbus su bzhugs pa dang / der ma gtogs pa byams chen rab 'byams pas mdzad pa'i gsol 'debs/ srad pa kun blo dang rwa dbon yon tan dpal bzang gis mdzad pa sogs mang du yod pa las kyang rtogs par bya'o//