[A:418]bdun phyin/ /rgya gar mkhas pa brgya dang lnga bcu bsten/ /khyad par mkhas shing grub thob lnga bcu dang / /rtsa ba'i bla ma khyad 'phags rnam bzhi bsten/ /longs sku drug pa rdo rje 'chang chen la/ /dngos su chos gsan ye shes mkha' 'gro gnyis/ /mnyes par byas nas mthar thug gdams ngag zhus/ /zhes bal por paNDi ta bha su na ma ti la bitpA ta sbyangs shing bya rgyud kyi skor gsan bla ma rdo rje gdan pa la dge tshul sgrub pa sogs bla ma brgya lnga bcu la rgyu 'bras kyi theg pa'i chos mtha' klas pa gsan/ paN grub thams cad zhal mthun par nA ro pa'i lcam ne gu zhes rdo rje 'chang la chos dngos su gsan pa zhig dur khrod so sa gling na yod pa thos pas der byon pa na shing tA la bdun srid tsam gyi mkha' la bud med smug nag rus rgyan sprad pa zhig 'dug par gser phul zhing gsol ba btab pas tshes bco lnga'i srod la sgyu lus dbang mo che'i dbang gnang ba sogs chos drug gi gdams pa rnams gsan/ gzhan yang mai tri pa dang rA hu la sogs la myur mdzad mgon po'i chos skor zhus nas bod du byon/ ljongs 'dir chig chos rdo rje'i rgyas btab kyi brgyud pa bdun ldan sogs dpal ldan shangs pa bka' brgyud kyi bstan pa phyogs kun tu khyab par gyur/ zhing 'dir mdzad pa rdzogs nas/ bla ma yi dam lung bstan pa'i/ /mthar thug gsum gyi dus la babs/ /da ni zhing khams mthar thug pa'i/ /bde ba can gyi zhing du 'gro/ /zhes dus la babs pas 'pho ba ye shes skar khung ma la brten te dbu thod lag mthil tsam zhig mkha' la 'phar nas sgra 'od dang bcas te gshegs/ khams pa'i gra