[A:422]der yang dbyar gnas mdzad/ lha sar shAkya mu ni sogs rten rnams mjal/ srin po rir dbyar gnas mdzad/ rdo rje 'phreng ba'i dbang dang byams chos sde lnga/ dbu ma rigs tshogs drug sogs chos mang du gsungs/ bsam yas su lha btsun zhi ba 'od phyi mas gdan drangs mchims phu sogs gnas rnams gzigs/ srin po rir bzhugs thog rgya 'bri mtshur gsum gyi gdan 'dren byung / byams pa'i cha rkyen gyi ched du gnyal lo ro sogs yul gru mang por phebs/ chu sprel khro phu'i byams chen la rab gnas mdzad pas ngo mtshar ba'i ltas bsam gyis mi khyab pa byung / sngon bla chen po'i sdom rgyun dang stod 'dul ba sogs byung na'ang bsod snyoms pa chen po 'di nyid kyis mkhan po mdzad nas byang rdor rnam gnyis sogs bsnyen par rdzogs pa'i paN chen brgyud pa zhes 'phags yul la 'gran bzod pa'i bstan pa rma med pa'i bka' drin rgya cher mdzad jo bo stan gcig pa'i sde btsugs/ dpal ldan sa skyar phebs dus rje btsun chen pos rdor dril nam mkha' la 'jog pa/ cang te'u sogs kyi sgra rang sgrar 'khrol ba/ rgya khab phye ltar gsol te phyir 'don pa/ dhU tI'i rgyu ba bkag pas gza' 'dzin mi 'byung ba sogs la rgya gar na'ang 'di lta bu'i grub thob dkon zhes 'khor lo sdom pa'i dbang gsan/ nyang smad rgyan gong gi gtsug lag khang du rje btsun sa paNDi ta bsnyen par rdzogs/ bod rnams kyis bzhugs par gsol yang ma bzhed par 'bul ba'i dngos po rnams yul so so'i dge 'dun la bkye/ lo tsA bas glo bo'i bar gdan 'dren du byon par phyag gis mi theg