[A:423]pa'i gser gyi gnang sbyin mdzad/ kha cher lo bcu gnyis bzhugs nas rgyal po mu stegs par song ba nang pa'i bstan pa la bkod yul der rab byung gi sde mang du btsugs/ sngar bod du slob ma rnams kyis dus mchod 'dzin pa'i dus mi shes pa 'dug gsol bas nam 'das pa'i dus na rdza sku rnams gas 'ong gsungs/ shing mo bya'i lo dgung lo dgu bcu rtsa dgur phebs pa na ngo mtshar ba'i ltas dang bcas te dga' ldan du gshegs so// ! bdun pa chos rje sangs rgyas ston pa ni/ rnam thar gsol 'debs tshigs bcad mar gsal zhing rje nyid kyis zhal gyis bzhes pa bzhin yul dbus kyi sa'i cha khyung btsun rdo rje dpal yum gyi pho brang gangs kyi ri bo'i 'dabs zhol rtsa'i bsil ma zhes bya ba'i grong khyer du ya ngal dkar po'i rus las chad pa'i g.yung drung gi ston pa sa la dbang ba gsal ba'i khri zhes bya ba nas brgyud pa rim par bon gyi ring lugs la brten nas grub pa brnyes pa mang du byung ba'i mthar dam pa 'di nyid 'khrungs la/ 'on kyang bon la mi dgyes par chos 'ba' zhig don du gnyer bas yab mes kyi sgrub thabs gsum tsam las cher ma gsan/ dgung lo brgyad dgu lon pa'i dus 'dri klog sbyangs/ dgung lo bcu'i dus su ma gcig sprul sku la gcod dbang dang zhal gdams chig brgyud zhus/ bcu gcig dang bcu gnyis kyi dus su 'khor ba mtha' dag sdug bsngal gyi rang bzhin can du dgongs pa'i nges 'byung gi bsam pa brtan pos dgung lo bcu gsum par bla ma rtso ri ras par rab tu byung mtshan brtson 'grus seng ger btags/ slob