[A:426]mngon pa/ sa lo la sgra tshad snyan ngag sdeb sbyor bde dgyes/ bi bhU ti la 'phreng ba skor gsum/ sanggha shrI la ka tsan/ dpyal chos bzang la dpyal lugs/ lce mdo sde seng ge la yo ga /'phags pa rin po che/ mchims chen po/ rdza chung ma sogs mkhas grub mang po bsten nas mdo rgyud kyi chos la mkhas par gyur pas kun mkhyen du grags/ lha sar jo shAka gi drung du byon nas bshad sgom gang byas na bzang zhes gsol ba btab pas ston pa dngos su gyur te/ khyod kyis dang por brtsams pa nas zhes sogs kyis dbugs dbyung / hor dmag gi gnod pa byung ba'i tshe mang po'i srog bskyabs/ 'dol chung chos 'khor gyi dus mkhas pa'i snyan grags kyis khyab/ gser sdings su bzhugs nas dbang lung 'khrid byin rlabs rgyud bshad man ngag mdo phyogs kyi gzhung bshad sogs gdul bya'i re ba yongs su bkang / sa skam po las chu 'byin pa dang mngon par mkhyen pa thogs med mnga'/ 'od gsal khor yug tu 'byongs pa sogs rdo rje'i rnal 'byor mchog las nam yang mi g.yo ba'i ngang nas gdan sa slob dpon 'od zer mgon la gtad de dben gnas bya btang du don dgu pa chu 'brug hor zla gsum pa'i nyer dgu la nam mkha' zla ba lta bu la tshom bu so gnyis 'od lngas bskor ba thal byung du gyen la 'gro ba sogs ngo mtshar ba'i ltas du ma dang bcas te dag pa'i zhing du gshegs so// !
dgu pa kun mkhyen bu ni/ dpe khang na rgya dpe 'di 'dra yod ces dri tshad mdzad pa rnams phal cher 'grig cing / zha lu'i gdan sar phebs dus dbu zhwa ser po bzhes dgos zhus pas 'di sngar khri 'di'i steng nas mang po zhig gyon yod