[A:427]da res sa zhu rang byed gsungs kun mkhyen bu'i dus bzhes pa la dgongs shing phyis kyi mkhan po la dngos brgyud gang gi sgo nas bu'i bstan pa la 'di nyid las lhag pa ma byung ba sogs kyis shes nus pas yul nyang ro sna bzhi zhes par gdung rabs bcu bdun par sngags rnying ma'i grub thob rim par byon pa'i brag gi gdung las yab bla ma brag ston rgyal mtshan dpal bzang dang yum slob dpon bsod nams 'bum gyi sras su shab smad sgom gnas dgon gsar du lcags stag dpyid zla 'bring po nag pas nya ba'i nyer bzhi la sku 'khrungs/ chung ngu'i dus yum gyis shes rab bskyed pa'i thabs mang du mdzad cing 'jam dbyangs zhal gzigs/ thog mar 'da' ka ye shes la 'byor klog mdzad pa sogs 'dri klog la thogs pa mi mnga'/ mes tshul khrims bzang po'i drung du dgung lo drug tsam nas chos rnam dag yin min gyi shan 'byed mdzad/ bdun la khro phu ba chen por sems bskyed zhus pas byang chub kyi sems thugs rgyud la 'khrungs/ dgung lo brgyad nas rin po che khro phu bar bde mchog /mes tshul khrims bzang po la rnying ma bka' gter/ dgung lo bco brgyad par mkhan po rin cen seng ge dpal dang slob dpon tshad ma'i skyes bu la rab tu byung / mkhan slob gnyis sogs mkhas pa du ma bsten nas phar phyin gtso bor gyur pa'i mdo phyogs kyi gzhung 'grel mtha' dag la sbyangs pas mkhas pa'i grags pa thob/ dgung lo nyer gsum pa la gtsang tshong 'dus mgur mo'i bla brang du mkhan chen grags pa gzhon nu dpal bzang dang slob dpon bsod nams grags pa'i drung du