[A:432]dag snang dang / nyams sad pa na dad gdung gi yus kyis brnangs byin rlabs kyi gzi byin 'bar ba'i rkyen gyis sngar las lhag pa'i bde gsal mi rtog pa'i ting nge 'dzin khyad par can thugs la 'khrungs shing rim gyis rtogs pa'i yon tan gong nas gong du 'phel bar gyur/ gsang ba'i bdag po mi'i gzugs can grub chen las kyi rdo rjes sku tshe 'di'i rjes ma bde ba can gyi zhing du 'khrungs par lung bstan pa bzhin snang ba mtha' yas kyi nyal sgom dang bde ba can gyi smon lam gyis mtshams sbyar nas dgung lo re dgu pa lcags pho 'brug gi lo dbo zla ba'i gnam gang la 'od dpag med kyi thugs kar gshegs so// !
bcu gcig pa pha rgod bsod nams bzang po ni/ tshar chen shangs zur khang du phebs dus bris thang dang gzims khang sogs sngon gnas rjes dran gyi ngos 'dzin mdzad par snang / bla ma 'di nyid sku 'khrungs nas chung ngu'i dus tha mal pa'i spyod tshul ye mi mdzad par 'dri klog bslab sbyangs sogs la brtson par mdzad/ yongs 'dzin mang du bsten te bstan pa'i sgor 'jug pa nas mdo rgyud kyi chos tshul du ma gsan/ khyad par sngon gyi bag chags sad pas dpal ldan shangs pa bka' brgyud kyi bstan pa la thugs mos par byung nas 'jag chen kun dga' dpal bzang la ye shes kyi mkha' 'gro ma ni gu'i thugs kyi nying khu chos drug gi smin byed spyi bka' zur bka' byin rlabs/ rtsa ba chos drug /sdong po phyag chen/ yal ga lam 'khyer/ me tog mkha' spyod/ 'bras bu 'chi med rang grol gyi 'khrid/ rgyab rten gyi lung sogs chos drug 'jag lugs la thos bsam sgom gsum