[A:401]dkar chun po thod du 'ching / /mtha' klas mkhyen pa'i nam mkhar thugs rje'i nyi/ /'char nub spangs pa'i rnal dpyod tsha zer gyis/ /chos phung bye ba'i 'dab stong yongs grol ba'i/ /mkhas grub skyes rabs tshangs pa'i blo las brgal/ /khyad par rgyal kun mgrin gcig legs so'i tshig /brjod yul 'dren pa bzhi pa'i bstan 'di la/ /mtha' klas byon pa dam pa'i zlos gar gyi/ /grangs tshad gzhal 'dod byis pa'i sems de ngal/ /bye brag grub pa'i 'khor sgyur bi rU pa/ /sa skya'i 'jam mgon rim byon thugs kyi bcud/ /snyan brgyud bstan pa'i shing rta chen po'i srol/ /phye ba'i rtogs brjod cha tsam gleng bar spro/ /chu 'dzin stug po'i phang nas dbyar gyi rnga/ /rab snyan glu dbyangs sgrog tshe mdongs mtha' can/ /dga' ba'i zlos gar bsgyur na shes ldan rnams/ /ngo mtshar dad pa'i spu long cis mi g.yo/ /rlung gis sbur ma mthon por bteg pa ltar/ /med bzhin sgro