[A:482]che dus mchod dpon dang dbang 'khrid kyi skor la thugs dogs sel gyi rigs nang bcar du 'bul ba sogs bdag chen rin po che'i phyag g.yog nang skor gyi rnam pa'ang yun ring tsam mdzad/ bdag chen rjes chos kyi 'khor lo skor zhig pa'i gnang ba stsal ba la brten nas rong ston shes bya kun rig gi gdan sa nA lendra'i tshogs chen la gsung ngag rin po che tshogs bshad yongs rdzogs shig gnang / thams cad dad pa'i sa la bkod de bdag chen rin po che las kyang 'ur ba tsam byung bar drung 'khor nas phrag dog gi rnam pa ci rigs byung / lhun grub sdings pas sbyin bdag byas 'phan yul bya bzang gi chos khri'i gdong gi sa stong der spyil bu zhig yod par bcad rgya mdzad de dpal rdo rje 'jigs byed kyi bsnyen pa zla ba lnga tsam song ba'i snga dro nyi ma rtse shar la 'od dmar pos lho'i phyogs rnams gang 'dug pa nyi zer yin nam dgongs/ gzigs pa na me dpung chen po 'ur sgra dang bcas pa blos mi 'khyud pa'i dbus na 'jigs byed yongs rdzogs 'khor bcu gcig zhabs g.yas brgyad kyi thad du las gshin rwa rtse shin tu rno ba g.yas gri gug g.yon pas mi dar ma zhig gi ske zhags pas bcings pa de la zhal nas 'phros pa'i me 'phog pa na bug pa dgu nas khrag 'dzag pa zhig gzigs/ kha skong gi sbyin sreg kyang mdzad/ lam yig tu rje ngag dbang grags pa'i zhabs phyir lo brgyad tsam bsdad gsung pa'ang 'di'i skabs su yin par mchis/ chu 'brug lo zla ba dang po'i nang du gtsang la phebs/ 'di res bsnyen par rdzogs kyang gsol 'debs la rtsa ba bcol bas 'og