[A:488]su gtad/ byang gter gyis thog drangs pa'i gsang sngags rnying ma'i chos skor ches mang ba gsan/ dpon slob gnyis car phan tshun thugs nang shin tu dag cing 'dar phyogs su'ang spyan 'dren ched bstad gnang nas zhabs tog chen po mdzad/ rjes su'ang shar phyogs la phebs res kyis mjal tsam re mdzad cing bka' chos gang 'os re yang nges par gsan/ ldong gi sngags 'chang chen po chos skyong bsod nams bkra shis par gter kha mi 'dra ba nyi shu tsam gyi dbang lung gsan par phebs pa'i tshe sngags 'chang rin po ches khyed dpon slob rnams ma byon pa'i zhag gsum tsam gyi nub sngags gzhon dkar po zhig byung nas khyod la nga'i chos skor rnams zhu ba la mi zhig 'ong bar yod pas de la rdzogs par gshod de ngas byin gyis brlabs pa yin gsung ba byung gsungs/ drin can sangs rgyas rnam rgyal la shangs pa bka' brgyud kyi lam yongs rdzogs gsan cing yab mes brgyud pa'i bla brgyud yin ces shin tu gus par mdzad/ brag dkar sems dpa' chen po bsod nams rgyal mtshan la phyag rdor 'khor chen lam yongs rdzogs sogs chos mang du gsan/ bzad g.yu gong par ye shes mgon po phyag drug pa'i zab chos gzhan nas ma rnyed pa du ma/ byang stag lung sbas don pa la phag gru lugs kyi phyag bzhi pa'i lam yongs rdzogs bsam sdings mkhan chen sangs rgyas ye shes la mgon po lha chen dpal 'bar gyi rjes gnang / rwa sgreng mkhan po dpal 'byor bsam grub la mi'u thung gsod byed kyi rjes gnang / jo stan rong shAka pa bkra shis rin cen la a ti lam yongs rdzogs