[A:517]gnyis gros bcas kyi sman zhig btang bas rig pa mog tu ka song / nyi ma dgongs song ba la sngar mig sdod pa ye mi yong ba la mig phra hrig pa zhig bltas byung cung zad drag tu 'gro ba e yin bsam tsa na de'i 'phro la mig skya rlog byas song stobs gzhan ston rgyu ni ma byung / 'da' ka ma'i gsal 'debs rgyas pa zhig byas/ sang snga dro bltas pas tshangs bug rus pa rim pa log ge ba zhig 'phags 'dug /de nas steng du phyin rje mkhan la thugs dam 'dogs kyi zhu yig cig bzhengs tsa na sems shin tu skyo kho chung chung nas pha ma spun zla rnams rgyab tu bskyur/ nged kyi rjes la bsgyil bas ma thub par 'brangs g.yog go chod med thabs med pa zhig byas te me tog dbyar skam gyis dus 'di lta bu byung snyam mchi ma yang mang du shor/ chos rje 'jam dbyangs pa sogs rogs rnams kyang de 'dra ma mdzad zer zhing mig chu mang du gtong gin 'dug /rang yid la gcags pa gces pa'i snying / /kho 'chi bdag bdud kyis khral nas song / /sems skyo nas mig chu'i thigs pa 'bab/ /las bsags pa myong snyam sdug bsran bskyed/ /snying rje nas bzod thabs mi 'dug kyang / /chos 'da' ka zab mo'i 'phrul 'khor gyis/ /sems skar mda' 'phangs bzhin gnas bzang bskyal/ rang de tsam yin snyam blos sna bsring / /rang dar rgyas kyi rnam thar skyong tsa na/ /ci byas kyang bde bde 'dra lags na'ang / /dus 'gyur ba'i sdug bsngal zhig dran tsa na/ /gnas ri khrod cig dran pas blos sna thungs/ /de nas bka' lnga pa grags bzang dang thog nas gus zhen shin tu che bas rogs byas/ tsha bo'i don du mang ja