[A:79]par rgyal gyur te/ /grub pa mchog brnyes rje btsun khyod phyag 'tshal/ /gzhan yang yi dam chos skyong mang po zhal gzigs yod 'dug ste/ rje btsun 'di nyid gsang ba kho na mdzad pas ma nges lags/ yang skabs shig stag lung ban dpon pas/ mi ngan pa 'ga' zhig gi phrag dog byas pa'i mi snyan pa sna tshogs brjod pa thugs kyis ma bzod par/ 'di la zha rog bzhugs na mi yong ba 'dug gsung ba'i zhu yig rten sogs phul bar/ lan du gsung gi glegs bu gsol ja bzang ba'i rten dang bcas pa phebs pa bka' drin che/ de la 'di skad lo/ /bzang 'dod ltogs 'dod kyi spre'us/ nyon mongs phrag dog gi mi gtsang bas/ bsam bzang chos mthun gyi ljon shing la gtor bas byings spre'u rang la log ste/ ma rig pa'i phyogs rtogs rnams mi gtsang ba'i 'dam du tshud pa'i sdug bsngal ngan 'gro'i g.yang du lhungs te/ skye ba lnga brgyar gnas pa dus thams cad du sdug bsngal gyi ca co sgrog pa sogs kyi nyes pa mthong bas/ snying rje bcos ma ma yin pa skyes pa'i ngang du mchis/ bdag la brten nas gzhan sdig med pa zhig rje btsun bla ma dam pa mkhyen snyam pa'i ngang nas 'di skad do/ /a ho bstan pa'i bdag po sa skya pa'i/ /bla med gdams pa'i rgya mtsho chen po la/ /dbang sgyur man ngag nor bu'i cod pan can/ /blo gsal rgya mtsho'i bka' drin chen po las/ /byung ba'i nor 'dzin rigs sngags 'chang ba nga / /las 'bras rgyab skyur bya ba'i dug mtshon las/ /rmi lam yul du 'char ba'ang ga la srid/ /rgyud dang bla ma'i man ngag mngon spyod kyi/ /lha yi dbang po dag kyang sgrol nus na/ /lus can