[A:200]spyan drangs pa'i gshin rje 'joms byed 'bar ba lha bzhi bcu rtsa gcig gi rdul tshon gyi dkyil 'khor du thun mong dang thun mong ma yin pa'i dbang / gshin rje gshed dmar po'i tshe dbang / bka' ma yang dbang brgyud man ngag de mtshungs dang bcas pa lus pa med par khong du chud/ rang bzhin rdzogs pa chen po yang tig sangs rgyas mnyam sbyor gyi rdul tshon gyi dkyil 'khor du dbang gsung rab mtha' dag gi lung / sna nam pa chen po rdo rje bdud 'joms kyi skye mtha' sprul sku rdo rje gro lod rtsal gyi bsam yas rnam snang thugs sgrom nas spyan drangs pa'i zab chos/ bla ma bka' brgyad yongs 'dus kyi/ bla ma zhi ba'i skor rigs 'dzin rtsa ba'i dbang rnam pa nyi shus byang chub pa dang / sgrub dbang rgyas pa dang bcas pa rdul tshon la brten pa dang / nyang ral gyis srin mo spar rjes nas kha byang dang lhan cig tu spyan drangs pa'i/ gu ru rnam pa bcu gnyis kyi dbang / bka' brgyad yongs 'dus kyi nang tshan ayon tshe dpag med zhal gsum phyag drug pa yum lha mo so gcig gis bskor ba'i dbang rdul tshon la brten pa dang / drag po dmar chen dbu dgu phyag bco brgyad pa'i smin byed dbang gsang ba ye shes rang gsal gyi dbang / rtsa ba'i bde chen rol pa sgrub pa rgyas pa lha dbang bcas pa rin chen bdun/ 'phrin las bzhi ste phan pa'i dbang gsum/ nus pa'i dbang / rigs brgyud spel ba'i dbang / gsang ba'i dbang / shes rab ye shes kyi dbang / dbang bzhi pa rnams sgrub chen rgyas par gnang ba'i sgo nas thob/ bka' 'dus kyi nang tshan tshe bdag 'od kyi thig le'i skor la/ bcom ldan 'das 'jam dpal gshin rje gshed phyag rgya chen po zil gyis gnon pa'i 'jam dpal zhi khro'i