[A:204]bka'i bka' gtad/ bum thang gi bka' srung drag po gsum sgril gyi bka' gtad/ dug sprul spungs 'dra'i gnas bdag klu rgyal 'chi med nye ba'i dbang po'i bka' gtad dang bcas pa/ de dag gter kha so so'i shog ser bu yang bu dang bcas pa'i sgrub thabs las tshogs ji snyed pa dang / padma bka' chems/ padma thang yig mi 'dra ba bcu gcig tsam dang / ma Ni bka' 'bum/ rnying ma'i rgyud 'bum/ gshin rje gshed/ 'char ka tshe bdag dang bcas pa'i dbang lung rjes gnang yongs rdzogs sngags bsdebs dang bcas legs par sbyangs shing khong du chud/ mdor na lam 'di'i phyogs la yang pha rigs 'dzin chen po dang rje btsun mkhyen brtse'i dbang phyug gi sku drin las ding sang gi ming btags kyi sngags pa chu rdo dang 'dra ba rnams dang cung mi 'dra ba zhig bdog /gzhan yang rang lo zhe gnyis pa la/ sde srid bkra shis stobs rgyal drung gis sde par bdag rdzong star gyis gsung pa'i phyag dam dang / ngos rang la yang phyag dam phebs pa'i nang na/ 'dir 'brel tshad don ldan dpal padma rgyal po rdo rje ye shes rtsal/ mnga' ris rigs 'dzin chen po spyan drangs te gsang chen dang chos kyi sgo mo phye ste/ tshe gcig la kun tu bzang po'i go 'phang mngon du byed pa'i thabs theg pa yongs rdzogs kyi nyams len thos pas grol ba'i sgrub pa chen po bka' brgyad kyi skor sogs gsol ba 'debs rgyu yin pas/ de bar gyi phyag g.yog dang chos nyan pa la shog gsung byung bas/ sa dang po'i rtogs pa mngon du gyur pa lta bu'i spro ba nyi ma shar ba ltar byas/ de 'phral chas nas gnas gsar nas kyi na bza' dngos gtsang ba rnam grangs gnyis kyis gtsos pa'i 'bul