[A:12]g.yog gnyis sangs rgyas kyi rten mang po la phyag dang bskor ba mdzad de nub phyogs su byon pa dang / dbang phyug gis slob dpon byon par shes te bram ze gnyis khri snyan sA le'i pags pa gnyis kyis smad dkris/ tshangs rtags rtswa ku sha rna ba'i gong du gzir te sdun bsur 'ongs pa dang phrad do/ /de nas bram zes lam bkag nas rnal 'byor pa gar 'gro zer/ so ba nA tha brlag par byed du 'gro gsungs pas/ khyed nang pa sangs rgyas pa snying rje dang ldan pa yin na gnod pa byas nas ci byed zer/ de nyid kyi phyir 'gro ba yin te/ de la dus re la ma he stong phrag re tsam gsod pas de dag gi srog bskyab par bya ba'i phyir brlag par byed do zhes gsungs pas/ de 'jig rten pa'i lha shin tu che ba yin pas de ltar cang nus sam zer te/ mngon du 'gyur gyi gsungs pas/ shar phyogs su song nas med zer/ gling bzhi gang du song yang rung / tshangs pa'i 'jig rten du song yang kho bo 'gro ste brlag par byed ces gsungs so/ /de nas rang gzugs bstan te slob dpon gyi zhabs la phyag 'tshal nas/ de nyid bdag yin pas khyed ci gsung ba bzhin byed do zer/ slob dpon gyis dang po sangs rgyas kyi sku bzhugs pa'i lha khang zhig byas te de'i 'og tu nga'i gzugs byas te dge 'dun brgya phrag gcig gis 'tsho ba sbyor ba dang mchod pa byed pa'i dus su dang po sangs rgyas kyi sku la/ de nas nga'i gzugs la mchod pa byas te/ de nas khyod rang gi rten la 'bras chan dang 'khur ba'i mchod pas tshim par byed na khyod brlag par mi byed/ de ltar mi byed na khyod brlag par byed gsungs pas/ de ltar khas blangs te des kyang so ba nA tha gnas kyi bar du de nyid du kho'i mchod pa bzhes shing bzhugs par zhus so/ /slob ma de bdag nyid dang rtogs pa cung zad ma mnyam pa mnyam par rgyud byin gyis brlabs nas rdo rje'i tshig rkang gnang ste/ shar phyogs su song la rdo rje theg pa'i sgo nas sems