[A:11]cig brgyab ste mgo bo snying ga'i bar du bcings/ rna ba nas bzung nas spyi bor mchod rten zhig bzhag ste rnal 'byor ma rnams kyang brgyal bar gyur to/ /de nas brgyal ba sangs pa dang / rnal 'byor ma rnams na re/ khyed nang pa sangs rgyas pa snying rje che ba yin na 'di lta bu byed pa zer ba la/ sems can bsad pa'i sha dang khrag dron mos mchod pa ma byed byas pas/ de rnams kyis slob dpon gyi zhabs la phyag 'tshal zhing skyabs su song nas sangs rgyas pa'i rnal 'byor mar gyur to/ /de'i tshe ko mkhan de rgyud byin gyis brlabs shing gdams ngag rdzogs par bstan nas bdag nyid dang nus pa mnyam par gyur nas/ shar phyogs su mu stegs kyi rgyal po de ha ra zhes bya ba 'dul du btang ngo / /de'i tshe grub thob chen po nus pa mthar thug par grags so/ /lho phyogs nas 'ongs pa'i ral pa can zhig phyir 'brangs nas 'ongs pa de dang slob dpon dpon g.yog gnyis kyis khar sa pa Nir byon nas bskor ba mang du mdzad de/ dang po rab tu byung ba nas bzung nas sa ha dza de wI btul ba'i bar du ngas 'di lta bu byas zhes thugs rje chen po'i spyan sngar sangs rgyas kyi bstan pa la bya ba byas pa'i rtogs pa phul ba dang / rigs kyi bu khyod kyi nus pas ni ri rab kyang thal bar rlog par nus kyi/ sems can las sna tshogs pa yin pas sangs rgyas kyis kyang gdul bar dka' ba'i phyir khyod kyis sems can la gnod pa 'di lta bu ma byed par snying rje chen po skyed cig gsung ngo / /de nas slob dpon gyis gzhan mi byed/ nub phyogs na so ba nA tha na rang byung gi rdo la dbang phyug chen po'i lingga yod pa de la dus re la ra dang ma he stong phrag re re bsad nas mchod pa byed pas sems can de rnams kyi srog bskyab pa'i phyir de 'dul/ de nas thugs rje chen po'i bka' bzhin bgyid do zhes brjod pas/ 'o na rten ma bshigs par thabs la mkhas pas thul gsungs nas/ dpon