[A:5]byon te/ rigs kyi bu tshul bzhin ma yin pa'i spyod pa de lta bu byed pa ma legs pas phreng ba longs la dri bzang po'i chus khrus la/ bshags sdom legs par gyis la sgrub pa tshul bzhin du gyis shig /khyod kyis las bsags pa'i lha nga yin pas ngas byin gyis brlab kyi khyod kyis dngos grub myur du thob par 'gyur ro zhes gsungs nas mi snang bar gshegs so/ /de nas mnal sad de 'gyod pa skyes pa dang / sang nyi shu gsum gyi nyin mo phreng ba blangs te lung bstan pa bzhin byas pa dang / de'i nub mor sprul pa'i sku ye shes kyi snang ba lha mo bco lnga'i dkyil 'khor gyi rnam par byon te dbang bzhi rdzogs par bskur bas sa dang po mthong ba'i lam gyi ye shes skyes/ de bzhin du zhag bdun gyi mthar nyi shu dgur song ba'i nub mor sa drug gi rtogs pa byung ngo / /de ltar dbang bzhi rdzogs par bskur bas dbang gi chu bo ma nub/ sa dang po nas sa drug pa tshun chad kyi rtogs pa skyes pa dang / byin rlabs kyi rgyud ma chad/ sngar gyi rtags sam dngos grub tu tshor ba'i nges pa gang yang ma byung la/ mi 'tsham pa du ma byung bas thugs mug pa de ting nge 'dzin gyi drod rtags yin par 'dug pa la nga sngar dam pa'i gsung gis ma brgyan pas der ngo ma shes pa de da legs par rtogs pas na gdams ngag gi sarga ma log ste/ da ni yang dag par rdzogs pa'i sangs rgyas dang rtogs pa mnyam pa'i nges shes khyad par can skyes pas mos gus kyi bsam pa tshim par nus pa ste/ snyan brgyud bzhis byin gyis brlabs shing / snyan brgyud bzhis gdams pa'o/ /de ltar rtogs pa de skyong zhing rang gi brang khang na bzhugs pa na rim gyis sha dang chang khyer te 'gro ba yang mthong nas sgo gsing na yar bltas pas/ la las bud med bco lnga dang lhan cig gnas par mthong / la las brgyad dang lhan cig gnas par mthong / 'ga' zhig gis mar me 'bar ba bco lngar mthong / la las