[A:4]
sgrub la brtson tshe mtshan gcig bdag med mas/
/ /snyan brgyud bzhis gdams de tshe sa drug mnan/
/de nyid brten nas dman rnams bsgral ba'i phyir/
/nyid kyis birWar zhal bzhes grong du gshegs/
/ganggA ldog cing gdug can rgyal po btul/ /nyi ma bzung zhing yul khams bco brgyad kyi/ /myos byed gsol yang myos min ling ga bkas/ /gtum mo bcom zhing smin drug bu yang btul/ /de ltar 'gro ba'i don ni mdzad nas kyang / /rdo rje sku gsung thugs dang dbyer med gyur/ /rje btsun dpal ldan chos skyong birWa pa/ /rtag tu gzhan don mdzad la mgos phyag 'tshal/ /'di'i lo rgyus ni/ rnal 'byor gyi dbang phyug birWa pa zhes bya ba 'di rgyal po'i rigs rgyal srid spangs pa cig yin pa la/ dpal nA lendra na spyir sde pa bzhi yod pa las/ gzhi thams cad yod par smra ba'i sde pa mkhan po dharma mi tra zhes bya ba'am/ rnam par rgyal ba'i lha zhes bya ba las rab tu byung ste/ mtshan yang shrI dharma pA la zhes bya bar btags/ mkhan po de nyid kyis 'khor lo bde mchog gi gdams ngag kyang gnang / spyir yang rang dang gzhan gyi grub pa'i mtha' rgya mtsho'i pha rol tu son par gyur to/ /de nas mkhan po de 'das pa dang / dpal nA lendra'i gtsug lag khang gi paNDi ta thams cad kyi mkhan po chen por gyur to/ /de ltar gyur kyang rang nyid kyis bsgrub pa ni 'khor lo bde mchog gi rnal 'byor pa yin la/ sgrub pa yun ring du mdzad kyang rtags sam dngos grub tu nges pa gang yang ma thob la/ slar mi 'tsham pa du ma byung nas thugs mug ste/ da phan chad chos rtsom pa dang / 'chad pa dang dge 'dun gyi bya ba las yi dam lha'i sgrub pa mi byed do zhes dam bcas nas/ dpyid zla ra ba sa ga'i nyi shu gnyis kyi nub mor phreng ba 'chag khang du bsgyur nas ci bder gnas so/ /de'i nub mo rmi lam du bdag med ma tha mal pa'i bud med sngon mo'i gzugs su