[A:403]bstan pa'i rgyal mtshan la rkyen sel gyi chos bka' ci rigs gsan/ snyigs dus kyi rdo rje 'chang kun dga' bzang po'i gdan sa ngor e waM chos ldan du phebs dus rmang lam du lam zab khang gi sgo 'gram g.yas g.yon du rdo rje 'jigs byed/ dpal ldan dmag zor ma/ mdun du dpa' bo bram ze'i gzugs can sku mdog sngo ba zhabs bsnol nas shing gi gling bu bzung ba dang bcas pa gzigs pa'i gnas tshul rje btsun bla ma mkhan chen bslab gsum rgyal mtshan la zhus pas zhal la gtor bsngo mdzad na legs zhes stsal ba bzhin de nas bzung chag med du gnang / khum bu lung du bzhugs pa'i tshe dag pa'i snang ba la mkhan chen rdo rje 'chang bslab gsum rgyal mtshan sku'i cha lugs dkyus ltar la g.yas chos 'chad dang g.yon thod pa bdud rtsis gang ba bzung ba de'i zhal nas kho bo'i g.yas su sgrol dkar dang g.yon du phyag rdor mdo lugs bzhengs na legs gsung ba bzhin de ltar bzheng ba gnang ba'i bris thang la lung bstan thang kha zhes thugs gtsigs shin tu che zhing lung bstan tshul khyab bdag bka' 'gyur ba chen pos dri ba zhus par gsal gsal mi gnang gsung / g.yang du bzhugs skabs shig rgyal po chen po rnam thos sras ser chen la mchod gtor phul zhing 'phrin las bcol bas ring por ma lon par glang thang nas gos dar dang stong skud kyi 'bul ba mang du byung / dus phyis kyang mnal lam du bya rgod gshongs kyi rnam sras mdung dmar can phyag mtshan bzhi pa'i rtags re byung na sang nyin zang zing gi bdog pa ster mi re nges par 'ong 'dug cing lar rnam sras