[A:421]byon nas gsang phug tu gnas 'brel mdzad de rang rig bla ma'i rang zhal mngon sum du gzigs pa'i rnal 'byor zab mo'i thugs dam dang gnas kyi tshogs zhib par gzigs/ bsam gtan gling dang bsam yas ri mthil tshor bla ma yi dam gyi zhal gzigs lung bstan dbugs dbyung mang ba byung tshod du gda'ang dman cha blangs te gsal bar mi gsung / rgod dkar la brgyud nA landar byon pa'i zla gnyis par chos 'phro sogs mdzad cing bzhugs pa'i ngang nas me bya zla ba gnyis pa'i nang du 'a zha ye shes g.yung drung gis sngon smon lam rgya cher mdzad pa'i rgyun skyong ba'i ched du dpon slob drug gis sA la'i sman ljongs kyi lte ba lha ldan sprul pa'i gtsug lag khang du phebs pa'i zla ba gnyis kyi ring yang dag par rdzogs pa'i sangs rgyas kyi rgyal tshab mthong bas rnam par grol ba jo shAka yid bzhin gyi nor bu/ byams pa chos kyi 'khor lo/ thugs rje chen po rang byon lnga ldan sogs ye shes sems dpa' dngos su bzhugs pa'i rten rnams la zhabs skor 'bum ther gyi dus nyin re bzhin mjal ba'i mchod 'bul dang smon lam dbang bzhi bzhes pa sogs tshogs gsog gi rim pa smin rgyas su mdzad/ jo bo rin po cher dngos su smon lam gnang ba'i dag pa'i gzigs snang la jo bo'i sku 'od kyi rang bzhin gur gum mdog can lam mer gsal ba dang mnal lam du dbu'i gtsug tu rdo rje sems dpa' khru gang shin tu gsal ba zhig shar ba las sgrib dag pa'i rtags 'di ltar byung ba rjes 'jug rnams kyis kyang de ltar bya dgos so zhes pa'i