[A:420]zhing ayon chen po'i lung gis zin pa yin zhes rje bla ma lhag par thugs gtsigs che ba yin 'dug /de nas dpal ldan bla ma dam pa bsod nams rgyal mtshan dang rnal 'byor dbang phyug yar klungs pa seng ge rgyal mtshan khu dbon rnams kyis byin gyis brlabs shing dam can srung ma sprin bzhin du 'du ba'i rtses dang bsam gling bde ba chen por phebs/ dpal ldan bla ma dam pa'i sku brnyan tshul khrims ma dang nang rten sogs la smon lam dang dbang bzhi bzhes pa/ mgon po che chung las mgon bcas par mchod gtor bskang bshags 'phrin 'chol mdzad/ gong ma sde srid phag mo grub pa drung chen tA'i si tus phyag dar ba'i chos gra chen po dpal gyi rtses dang du phebs te paNDi ta chos kyi grags pa'i thugs dam rten thub pa gser gling mar grags pa mnyam med jo bo chen pos gdan drangs nas dge bshes khu ston pa'i rten skal du byung ba des gtsos phyi nang rnams zhib mjal mdzad de rim gyis chu bo chen po pakShu'i klung brgal ba'i lha sras khri srong lde'u btsan gyis o tanta pU ri'i gtsug lag khang la dpe byas te bzhengs pa'i bsam yas mi 'gyur lhun gyis grub pa'i gtsug lag khang chen po'i dbu rtse rigs gsum/ gling bzhi gling phran/ jo mo'i gling gsum sogs rten brten pa thams cad la phyag mchod bstan pa rgyas pa'i smon lam gyis mtshams sbyor gnang / thang yig las/ khyad par yar klungs shel brag mchims phu gnyis: rgya gar dur khrod bsil ba tshal dang mtshungs: zhes ches cher bsngags pa'i gsung gi dben gnas bsam yas mchims phur