[A:431]rig pa rtsal dang bcas pas bsgrubs zhes gsungs par snang zhing / kha'u pa'i bstan pa'i ched du khams phyogs su 'bul sdud la mtshungs med dgon gsar ba rdzong bda' gnang rtsis kyi kun mkhyen mkhyen brtse'i bslab ston bzhin khams gsum dbang sdud ga Na pa ti'i sgrub pa gnang ba'i rten rnams kyang phyag tu 'bul ba mdzad/ ha la nag po'i skor dgos phebs pa ltar khyab bdag sngags 'chang chen por maNDal gyi tshul du phul/ 'di'i grwa pa rnams la rten 'brel gyi khyad nas sbyong rgyud bcu gnyis kyi gtso bo kun rig rnam par snang mdzad kyi dbang gis phebs pa ltar bka' bzhin bsgrubs/ dbus phyogs su 'gyangs med 'byon skor da lam thogs gzhi gang chung mdzod gsung ba stobs 'phrog dbang po'i gsang khrid sogs 'phror lus dogs pa'i dgongs pa can du mngon/ 'phar ba zhes pa lcags mo glang gi lo ri phug tu bzhugs dus yar klungs bkra shis chos sde nas yang bskyar gyi gdan 'dren byung ba ltar zla ba gsum pa'i nang du dbus su phebs nas sa ga zla ba'i tshes bcu bdun gyi gza' skar 'phrod sbyor dge ba'i nyin bkra shis chos kyi ring lugs 'dzin pa'i sde chen por seng ges bteg pa'i rin po che'i khrir zhabs zung gi padma rnam par bkod par pho brang chen po sne'u sdong rtse nas gong ma sde srid phag mo gruu pa mi pham dbang sgyur rgyal pos bsko 'ja'i lung bzang po gnang sbyin dang bcas pa dang / gra rigs sbyin bdag gnyug mar gnas pa'i tshogs dang bcas pa'i zang zing gi bdog pa ring por skyong ba sogs khri ston gyi mchod sprin rgya cher bskrun/ hor zla lnga pa'i 'jam dpal dbyangs mkhyen brtse'i dbang phyug gi sku mchod chen mo la dpal rdo rje 'jigs byed rwa lugs lha bcu gsum