[A:454]ba lag na dri ngad bzang po'i spos kyi chun po dar skud kyis bsdam pa spos skor byed pa'i tshul gyis 'ongs pa rjes su gsung bgros kyi lhongs la rmi ltas de bzhin byung ba la dpags na khyed tshul khrims 'go thon pa'i btsun pa rnam dag zhig 'ong ba'i ltas su 'dug stsal/ gza' skar 'phrod sbyor dge ba'i tshe rab tu byung ba'i mtshan mgon po bsod nams mchog ldan bstan pa'i rgyal mtshan dpal bzang por gsol ba gnang ste tshigs snga ma dge tshul gyi bar bsgrubs nas shAkya'i sras su mdzad/ nyer mkho'i dbang lung thor bu stsal/ khu dbon lhan cig par gdan sa chen po dpal ldan sa skya mjal bar skor tsam phebs/ ri phug tu stan chags/ bkra shis rtse nas sde dgon tshang mas phebs dgos tshul gyi spyan 'dren yang yang byung bar brten dbon rin po che zhabs phyir khrid de yar klungs phyogs su phebs/ lo 'phros kyi ring 'chad nyan byin rlabs sogs skya ser so so'i blo dang 'tsham pa'i re ba bkang ngo / /tshar chen bla mas 'bral med rjes su bzung / /zab lung gter srung gzhi bdag bsu bar 'ongs/ /bka' 'dus bsgrubs tshe gu rus dngos byin brlabs/ /'jam mgon mkhyen brtse'i nus pas bgegs dpung bzlog /gzugs rnams lha dang sgrar grag sngags kyi gdangs/ /bzang ngan gang shar bde stong chos sku'i dbyings/ /snang brnyan bzhin ras la chags chu skyes kyi/ /'dab ma'i mig zur 'dzum pas rgod do snyam/ /glags lta dam sri'i gzugs phung 'dam lta bu/ /khrag 'thung padma'i stang stabs 'gros kyis brdzis/ /tshe chu khol ba'i gzegs ma phyogs brgyar 'phro/ /dbyer