[A:455]med rtsa gsum ma 'dres so sor gzigs/ /pha rgod bla ma'i gdan sar chos 'khor bskor/ /se dkar sa spyad gtsug gis zhabs pad bteg /tshar chen yab sras sku yi dag snang du/ /byin rlabs mngon sum bde drod ches cher 'bar/ /blo 'das gdod ma'i mgon po tshar pa rje/ /blo gsal rgya mtsho'i ded dpon 'khrungs gnas der/ /blo stobs nus pa'i dbang phyug gnod sbyin ches/ /blo chen gtsug rgyan khyod la 'dud phyir 'brangs/ /mnyan yod bya gshongs lung bstan ngo mtshar rnyed/ /lha mchog 'dod khams dbang mo dgyes zhal 'dzum/ /brtse chen thugs rje'i dngas mtshor kye rdo rje/ /'jam dpal dus dgra'i snang brnyan ci yang shar/ /mkha' mnyam 'gro kun mar shes kyis drangs pa'i/ /byang chub sems chus thugs rgyud rab gsher yang / /yum la mched brtson sri zhus yid can 'gro/ /mi gtong dam bcar nges rnyed 'dren pa bzhin/ /ye shes sgyu 'phrul lus phra mi mo'i gzugs/ /bsgyur ba gzhan ngor bla mas lam ston gyi/ /zol las ku lu ta zhing mkha' 'gro ma'i/ /tshogs kyi slob dpon mdzad la rings sam snyam/ /rang gzhan phyogs su lhungs pa'i kun rtog rnams/ /rang sems 'khor 'das dbyer med klong grol yang / /rang lugs bstan pa'i srog rtsa rab 'dzin pa'i/ /rang rigs shAkya'i sras su legs par bskrun/ /chu byi shar nas dbus gtsang gi sde dpon phal cher mdun ma gcig tu dril te gtsang skur gnyis kyi thog tu ngan gra bsgrigs par grags shing la la gtsang sde srid phun tshogs rnam rgyal gyis rtse chen grang chen par de 'dra rtsoms