[A:463]med 'dod na gsang rten sgom/ /dus kun skyed rdzogs zung 'jug 'bral med sgom/ /sgom gsum ldan pa'i gdams pa dbon la 'bul/ /zhes sku rtsed kyi tshul du mdzad/ nyin gcig nam mkha' la gzigs par khyab bdag zha lu pas ci 'dug zhus pas thams cad mkhyen pa bu ston rin po che phyag sdigs mdzub dang bcas phyogs bcur bsrung ba mdzad 'dug gsung bar bar skabs kyi zha lu'i bstan pa'i gegs byed rnams bsal nas nyams gsos sogs 'phel rgyas yong ba dang lcags lug bstan pa'i byur chags kyi zal mo brag sku skyer mkhan po'i sta gon gyi bdud las bzlog pa'i lung bstan du snang / rje rdo rje 'chang gis mkhan chen klu sgrub chos kyi rgyal mtshan dang / dbon bka' 'gyur ba/ mkhan chen zha lu pa sogs la gsang sngags gsar rnying gi chos bka' shin tu 'phel ba gnang mur/ gtsang sde srid nas snar thang / pa rnam bsam sdings/ thar pa sogs chos sde mang por nyams gsos mdzad pa'i tshe zha lur yang de dang phyogs mtshungs su byung zhing 'jam dbyangs bsod nams dbang po gshegs pa'i mkhan po med pa dang 'grig pas rdo rje 'chang la mkhan po'i snyan gsan phul ba bzhin gza' tshes legs par thams cad mkhyen pa bu ston rin po che'i bzhugs khri'i steng nas skar 'dzin du btsun gsar 'ga' zhig la dge tshul gyi sdom pa gnang ba thog tu khel na thams cad mkhyen pa bu ston yab sras kyi rjes su tshar chen dang thams cad mkhyen pa mkhyen brtse gnyis las bka' drin che ba ma byung ba'i rgyun dang bcas bstan par phan pa 'ong nges na'ang / zha lu'i gros pa mang