[A:༥༨༤] མན་ངག་གི་ཡི་གེ་འགའ་ཞིག་འཁྲིད་བཅས། མཻ་ཏྲི་པའི་ཕྱག་ཡིག་དགུ་ཕྲུགས་ཀྱི་བྱིན་རླབས། དུད་སོལ་མའི་གསང་སྒྲུབ་ཀྱི་རྗེས་གནང༌། གཏེར་སྟོན་ཉི་ཟླ་སངས་རྒྱས་ཀྱི་འཕོ་བ་འཇག་ཚུགས་མ། ཚེ་དཔག་མེད་གྲུབ་རྒྱལ་མའི་བྱིན་རླབས་རྣམས་གསན། རིམ་གྱིས་འདར་དུ་རྡོ་རྗེ་འཆང་གི་ཞབས་དྲུང་དུ་ཕེབས་ནས་དབང་ཆོས་ཅི་རིགས་གསན། ལོ་པ་སྤྱན་སྔ་ཀུན་དགའ་དོན་གྲུབ་དགེ་བའི་བཤེས་གཉེན་སྤྱན་སྔ་ཚུལ་ཁྲིམས་འབར་གྱི་རིགས་དབོན་བཀའ་གདམས་ཀྱི་བསྟན་འཛིན་ཆེན་པོར་མ་ཟད་ཕྱིས་སུ་ཁའུ་བྲག་རྫོང་པའི་བསྟན་སྲོག་མཐུད་པའི་མཁས་གྲུབ་ཀྱི་སྙན་པས་གདན་ས་གོང་འོག་གཉིས་ཀྱི་རིགས་ཀྱི་བདག་པོར་བཞེས་ཏེ། གཙང་ཕྱོགས་སུ་ལན་ཁ་ཡར་ཕེབས་པའི་སྐབས་ཤིག་དམ་པ་འདི་དང་གདན་འཛོམ་ནས་བཀའ་གདམས་ལྷ་བཞིའི་འཁྲིད། སྒྲོལ་དཀར་ཡིད་བཞིན་འཁོར་ལོ། མིའུ་ཐུང་གསོད་བྱེད། ཞང་བློན་དང་བཞིའི་རྗེས་གནང༌། དེ་དག་གི་ཡིག་ཆ་ཐོར་བུའི་ལུང་སོགས་ཁ་ཡར་གསན་ཅིང༌། སླར་ཡང་བཀའ་གདམས་སོགས་མ་གསན་པའི་རིགས་ལ་ཐུགས་རྩོལ་གནང་བཞེད་ཆེ་ཞིང་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་ཡང་སྤྱན་སྔ་རིན་པོ་ཆེར་བཀའ་གདམས་སྐོར་གསན་མ་ཐུབ་པ་ལ་ཐུགས་འགྱོད་ཆེ་ཞིང་ཁོ་བོའང་དེ་ལྟར་སེམས་མོད་ཀྱང་ཡིད་སྲུབས་བརླང་སྤྱོད་ཀྱི་ལྷོངས་ཆེན་པོས་གནས་ངེས་མེད་དུ་གཤེགས་པའི་འོ་བརྒྱལ་བའི་ཆོས་གེགས་སུ་གྱུར་ཏེ་བླ་མ་དམ་པ་རྣམས་ཀྱི་ཐུགས་བཞེད་ཇི་བཞིན་བྱུང་མ་སོང༌། ཀུན་མཁྱེན་ཀླུ་སྒྲུབ་རྒྱ་མཚོ་དབྱངས་ཅན་མས་རྗེས་སུ་