[A:༥༨༧]རགས་རིམ་སྨོས་ན་བླ་མ་དགོངས་འདུས་ཀྱི་ཆོས་སྐོར་ནས་ཉེར་མཁོ་དང་ཀརྨ་གླིང་པའི་ཞི་ཁྲོ་དགོངས་པ་རང་གྲོལ་ནས་ཐོར་བུའི་ལུང༌། བསྟན་གཉིས་གླིང་པའི་རྫོགས་ཆེན་ཀློང་གསལ་སྙན་བརྒྱུད་ཀྱི་ཆོས་སྐོར། འོད་གསལ་ཐིག་ལེ་ཉག་གཅིག་གི་ཆོས་སྐོར། ཕག་མོ་ཟབ་རྒྱའི་ཆོས་སྐོར། དཔྱལ་ཕུར་གྱི་དབང་ལུང༌། ཀློང་ཆེན་པའི་བླ་མ་ཡང་ཏིག་དང་ཟབ་མོ་ཡང་ཏིག་གཉིས་ཀྱི་ལུང་སོགས་མང་དུ་གསན། རྗེ་བཙུན་རྡོ་རྗེ་འཛིན་པ་ཆེན་པོ་བྱང་གླིང་བཀྲ་ཤིས་རྒྱལ་མཚན་དཔལ་བཟང་པོའི་ཡང་སྲིད་ཞ་ལུ་མཁན་ཆེན་རིན་ཆེན་བསོད་ནམས་མཆོག་གྲུབ་ལ་རྗེ་བླ་མས་ཚིག་བཀྲའི་ཁྱད་ནས་ཕུན་ཚོགས་དངོས་གྲུབ་མའི་ལུང་ཞུས་ཕེབས་པ་ལྟར་དང་རྡོར་དབྱིངས་ཀྱི་དབང་གསན་ཅིང་རྗེས་སོར་རིམ་གྱིས་ཐུགས་རྩོལ་གནང་བས་འཁོར་ལོ་སྡོམ་ཆེན། བདེ་མཆོག །པདྨ་དྲ་བ། དྲིལ་བུ་ལྷ་ལྔ། ཆོས་དབྱིངས་གསུང་དབང༌། དཔལ་མཆོག་རྡོར་སེམས། མི་འཁྲུགས་པ་ལྷ་བཅུ་གསུམ། ཕྱག་རྡོར་འཆི་བདག་འཇོམས་པ། ཤཱཀྱ་སེང་གེ་གཙུག་ཏོར་དགུ་པ། རྣམ་སྣང་མངོན་བྱང༌། ཕྱག་རྡོར་འགྲོ་བཟང་དང་བཅས་པའི་དབང༌། རྣམ་སྲས་བཀའ་མི་འདྲ་བ་བཅོ་ལྔ། ཛམ་ལ་དམར་པོ་སོགས་རྗེས་གནང་དང་ལུང་གི་རིགས་ཁ་ཡར་གསན། རྗེ་རྡོ་རྗེ་འཆང་དགུང་ལོ་ཕེབས་པར་མ་ཟད་སྐུ་གཅོང་གིས་མ་ལྕོགས་པའི་གཙང་སྡེ་སྲིད་དུ་དགོངས་ཁྲོལ་ཞུ་བ་མཛད་པ་གྲྭ་རིགས་སྦྱིན་བདག་གི་འདོད་སྦྱར་བཞིན་དབོན་རིན་པོ་ཆེ་ནང་བསྐོས་ཀྱི་བཅའ་གཞི་ཤར་བ་དཀར་པོ་ཞེས་པས་ས་སྦྲུལ་གྱི་ལོའི་དུས་ཚེས་དགེ་བར་རྒྱལ་བ་ཀུན་