[A:538]ba zhig bzhugs/ gzhan gral ba mang po byas pa zhig gi drung na bdag 'dug pa na/ lo chen rin po che bdag la ched du gzigs shing / bla chen pa'i rnam thar bsngags brjod mang po gsungs/ de nas lo chen dang yang yang mjal ba dka' snyam rje bla ma dam pa'i rnam thar lo chen rang gis mdzad pa de'i lung zhig gnang dgos zhus pas shin tu legs de ga bya yis gsung / gcig la phyag dpe khyer shog gsungs/ len du song ba ma sleb pa la gnyid sad/ sems 'phrang ba'i tshad thub pa zhig byung / bla chen rin po che bla chen chos rin pa'i skye ba yin 'dug pas de'i byin rlabs yin nam snyam/ lcags sprel zla ba brgyad pa'i tshes gcig nas gzhi bsnyen gyi sngon 'gro bla ma'i rnal 'byor tshugs pa'i tshes bzhi'i nub rmi lam du/ rje btsun rdo rje 'chang pha tshar pa rje dang mjal/ rta mgrin yang gsang gi dbang rdzogs par gnang / dkyil 'khor gtor ma dbang tshig sogs kyang shin tu gsal ba dang / phyag len la dogs gcod 'dra zhu rgyu yod pa'ang zhus shing / lan gnang ba zhig byung ngo / /nub cig yang pha bla ma bzhugs khri thog rtsar snyogs pa zhig gi steng na ber thul nel tsho gsar pa rang zhig bzhes nas bzhugs pa'i sku gzhogs g.yon na bdag 'dug pa la/ a skyabs kyis gsol ja zhus rjes gsol kha zhu yi 'dug pas/ nga'i de khong la drongs gsungs/ gsol kha de bdag la drangs pa zhig rmis/ yang nub cig dbu rtse 'og 'dra ba zhig na khri sngar gyi de las mtho ba zhig la bzhugs nas tshe khrid kyi tshar chos de gsung rgyu yin snyam pa byas/ bdag sku mdun na 'dug pa la gsung chos ha cang gsal ba ni ma byung / rlung bum