[A:565]rjes gnang / yan lag brgyad pa'i khrims dang yig drug gi bzlas lung sogs gang la gang 'tsham gyi sgo nas mngon mtho dang nges legs kyi sa bon khyad par can bskrun/ bar 'tshams mang por zla sbrel du rdo rje 'jigs byed rwa lugs lha bcu gsum ma sogs dkyil 'khor 'ga' dang lha bran du ma'i ljags bsnyen/ bcu cha'i sbyin sreg gis mtshon phra zhib kyi phyag len bzhin thugs nyams su bstar/ sku mtshams min pa'i skabs kyang bskyed rdzogs kyi nyams bzhes bzlas brjod gtor bsngos sogs mtshan bcas mtshan med kyi thugs dam la lhod pa cung zad tsam yang mi mnga' zhing shi gson gyi ched du bdog pa dbul bar thugs brtse ba chen pos kun nas blangs pa'i nad gdon las grol ba dang dus kyi chos nyid du gyur pa rnams 'khor ba dang ngan song gi 'phrang ring po las bsgral te nges par legs pa'i sar bkri ba'i skyabs 'jug ched du gsol bar rigs drug gnas 'dren sogs gshin po rjes 'dzin gyi cho ga rgyud sde rin po che las ji ltar byung ba bzhin ma gtogs sla chos kyi rigs mi mdzad/ dngos po rnams kyang dkon cog la sri zhu/ dge 'dun la bsnyen bkur/ nyam thag la sbyin gtong sogs rnam dkar gyi ched kho nar 'gro ba'i zhal ta dang mdor na mgon po byams pas/ yi ge 'dri mchod sbyin pa dang / /nyan dang klog dang len pa dang / /'chad dam kha ton byed pa dang / /de sems pa dang sgom pa ste/ /spyod pa 'di bcu'i bdag nyid kyi/ /bsod nams phung po gzhal du med/ /ces chos spyod bcu'i