[A:571]gsung chog ma tshar bar gtsug lag khang la ser sbreng gi skor ba dang pur khang gi steng thog tu gdugs dang g.yas g.yon du bkra shis khra ring btang zhing sbyangs zin nas zhag shas bar rgyas btab pa zhal phye nas/ gdung rten bzhengs par bal po mkhas pa mi grangs bcu gcig 'bod pa gnang ba'i gser zangs kyi rnam rgyal mchod rten zla gnyis khongs su grub par dri med kyi srog shing 'dzugs pa'i cho ga /ring bsrel rnam pa bzhi'i gzungs 'bul dngos gtsang brten bzhengs so'i snyan grags lhur blangs pa ma yin pa'i khungs btsun yid ches su gyur par bcom ldan 'das dpal kye rdo rje man ngag lugs kyi sgrub mchod dang 'brel ba'i rab gnas kyi cho ga nyin gnyis ma'i sgo nas dam tshig pa la ye shes kyi tshogs dngos su bcug pas lha rnams kyis mchod pa'i slad du 'ja' tshon sna lnga'i gur dang me tog gi char/ rgya spos bzang po'i ngad kyis sgrun du med pa'i dri bzang pos phyogs kun tu khyab pa ngo mtshar ba'i ltas ya mtshan pa byung ba ni/ rje btsun bla ma rim par byon pa mtha' dag la dad pa sngar ma skyes pa rnams gsar du skye zhing / skyes pa'i tshogs gong 'phel du 'gyur ba'i thabs khyad par can te/ mkhas mchog dpa' bos/ grags pa'i mtshan mar gyur pa bzang po 'di rnams kyis/ /bde bar gshegs gyur lam rnams gang yin bstan par 'gyur/ /yid la dad pa med pa rnams kyang dad par byed/ /chos dang ldan pa'i gtam gyis rab tu dga' bar 'gyur/ /zhes pa'i don du mngon zhing / sde pa bkra shis rtse bas gsung ngag brgyud pa'i zhal thang