[A:594]dmigs med du song ba'i rtags mtshan che yang rnam shes 'og min du rgyal ba'i sras su bskrun pa rgyud sde'i dgongs pa bla na med pa yin pas/ kun mkhyen mkhyen brtse'i gsung mgur las/ e ma rgyu 'bras rten 'brel dgod re bro/ /dal med sngags smyon 'dren pa'i sngags 'chang la/ /'bad rtsol med par nus mthu shugs la 'byung / /chang 'thung 'ur gog 'thag pa'i sngags 'chang rnams/ /ban ling rnga brdung drag kyang ngal ba'i rgyu/ /zhes pa'i don thog tu khel bar bsam mo/ /'dar du phebs gdul bya rtag par 'dzin pa'i dngos zhen ldog ste gtan mdun sgrub la brtson pa'i snying stobs kyi go bgo ba dang skal ldan rjes su 'dzin pa'i 'phrin las kyi sgo 'phar zhing khams gzhan du 'byed par dus babs kyi 'dzin byed ces pa me pho byi ba'i lo smin drug zla ba'i dkar phyogs kyi bzang po dang por rta bdun rgyal po nub ri'i phag tu zhugs par nye ba'i tshe zhing brje ba'i rnam pa bstan pa na rje 'di nyid kyis gsol 'debs shugs drag por mdzad pas spyan hur gyis gzigs nas rdo rje 'chang tshar pa chos rje dang thams cad mkhyen pa gnyis phebs nas de la rig pa zhugs pa bzhin du bde cham mer yod pa de sang ba zhig byung / sngar khyed kyis nan tan mdzad par brten de tsam bsdad yod da cha de 'dra mdzad nas ci gnang khyed rang la ltos bcas thams cad rjes su 'dzin zhes zhal gyis 'ches pa ni/ tshar chen gyi gsung mgur las/ lar nga rang tha mal snyoms las can/ /tshe 'di phyi gang 'gro'i gdengs med kyang / /mi nga la blo gtad byas pa kun/ /pha kun spangs chos rjes mkha' dbyings nas/ /dus rtag tu skyong