[A:595]ba'i bka' bzhes yod/ /ces gsungs pa'i don dang mthun par snang / gzugs sku chos dbyings su bsdus skabs byams pa'ang gling gseb tu song ba dang 'grig pa'i rje nyid las phyag g.yog gzhan su'ang med pas mdor phebs te sgrub rnying slob dpon 'jam dbyangs rgyal mtshan rdo rje 'chang gi sku ber gyi gong ba la 'dra sku 'dri yin yod snang bar skor cig las mtshams zhog la byams pa bos shog gsungs/ de'ang dam pa gang de/ ma pham pas/ /de bzhin 'khor ba ji srid bar/ /las ni rgyun mi 'chad par 'dod/ /ces gsungs pa dang mthun par dam pa'i chos kyi 'phrin las nam mkha'i mtha' ltar mnyam mod/ mchod sbyin brgya phrag gcig gis lha'i bdag por 'gyur ba bzhin tshe rabs gzhan du sbyin shugs kyi 'bras bu tshe 'dir smin par blun po rnams kyi ngor 'phrin las 'phrin las zhes 'bod pa'i chen por grags pa rnams dang mtshungs pa'i 'byor pa mi mnga' na'ang bla chung 'gam khums 'jungs pa'i ngang tshul can ci rigs ltar bre gsog phul gsog mdzad na de 'drar ma ltos pa'i dad 'bul la brten phyag rdzas 'khyil yong tshod du snang yang / thams cad mkhyen pa'i gsung mgur du/ nor longs spyod 'bad pas bsags na yang / /tshe phyi mar mi phan lus sems sdug /de bsags pa snying po ma mchis kyi/ /da zas nor ci yod gang dgar zhog /ces snying po med pa dang / chos thams cad sgyu ma lta bur gzigs pas 'dod sred kyi 'ching ba dang bral te dkon mchog gi mchod pa dang dbul phongs la gtong ba sogs 'phral dag mdzad pa'i gshis/ yab sras gnyis kar gnang bde'i bdog