[A:10]len gyis de don bzhin do dam mdzad pa'i zha lu khang gsar ba'i sras mo bdag nyid chen pos khab tu bzhes par 'jam dbyangs don yod rgyal mtshan dang dpal ldan bla ma dam pa gnyis sku 'khrungs par brten zha lu sku zhang du grags shing / rgyal ba gnyis pa bu ston rin po che'i sbyin bdag gi mthil sku zhang grags pa rgyal mtshan gyi zur sras dbon kun dga' bsam grub la gzhis dge sdings skal bar phog pas sku zhang dge sdings par grags pa tshong 'dus mthil du gzhis bzung ba'i ming bde rgyas pa zhes gtsang rong gi drung 'khor drag khar gtogs pa'i sku zhang lha a nyan rgyal po'i sras mo ye shes 'tsho rgyal bsus pa'i sras su 'phags pa'i yul du stod 'grel ba'i rjes su 'brangs te rab byung du grags pa'i nang tshan shwa bha kr-i zhes pa ljongs 'dir dge byed du 'bod cing 'jam dbyangs gong ma'i khab tu zhin yin zhes chu pho stag tu grags pa'i nam mthong zla ba phyi ma'i thabs kyi cha'i dga' ba gnyis pa zla skar rgyal la babs pa'i tshe yum la snyun zug sogs mi bde ba'i rnam pa med par chu shel gyi dbang po shar ri'i phrag pa las thon pa ltar bltams so/ /lha dang rig sngags grub pa'i rdzu 'phrul gyis/ /'chi med lam du bya ltar 'phur ba'i bon/ /g.yung drung gshen gyi lugs srol 'dzin pa'i rigs/ /nyang smad sum rtsen skye rgus mchod pa'i gnas/ /mang bkur gnam bskos rgyal po'i lung bzang pos/ /khrid dpon las ka 'dzin pa'i mi dbang dang / /kun mkhyen mkhyen brtse'i zhabs kyi bka' drin mthus/ /mtho ris sman pa gnyis pa lta bur bkur/ /brtul bzhugs grub bon snang rigs 'gro