[A:12]kyang bka' las chung ngu'i dus nas btsun pa ma byas par gnyid du song 'phral rmi lam lta bu'i 'khrul snang za zi la ser ba drag po 'bab pa'i rkang shar shar gyi khrod nas 'bag gyon pa sogs 'jigs gzugs mang pos mtha' bskor nas mi tshugs pa lta bu yong ba zhig rgyun du byung lags shing / deng sang yang dog cha che skabs phran bu yong gi 'dug lags/ deng sang gi bar du bya ba che chung ci byed kyang bgegs bar chad re nges par yong gi 'dug gsung pa la dpags na mkhan chen gnas drug pa/ snar thang mkhan po/ 'jam dbyangs dkar po gsum la bsam yas kyi gnas srung chen po'i bar chad byung ba'i gzhan gnyis gshegs/ 'jam dkar gyis thugs sras rin po cher gra lnga'i dbang zhus pas bgegs las grol na'ang / des rin po che gdan sa bar gnod tshul kun mkhyen bus gsungs pa bzhin/ thugs sras rin po che dang 'jam dkar ba su rigs kyi bag chags sad pa'i lha 'dre'i snyogs ma byung ba'i nges pa med dam snyam pa'i kun rtog gi ri mor shar mod kha dmar ni gdags par ga la nus/ lo nang der rje rdo rje 'chang gis rjes gnang byin rlabs sogs gsung chos yang yang gnang / gcen chung ngu nas grongs pa'i sri byung dogs kyi lo gcig gi bar gso ba rig pa'i gzhung nas bshad pa ltar zla re bzhin mtshan rim gyis spos pa'i rting ma don grub bsod nams dbang gi rgyal por gsol/ dgung lo gnyis tsam gyi dus rdo rje 'chang dbang phyug rab brtan mjal bar phebs pa na sku rgyab kyi thad ka'i lha mgron rnams la phyag badzub bltad