[A:22]zhal ngo rnams la rdo rje nag po chen po'i brag rdzong ma phyi nang gsang gsum gyi 'khrid/ phyag chen lhan cig skyes sbyor/ thams cad mkhyen pa mkhyen brtse'i dbang phyug gi gsung 'bum sogs chos mang du gnang ba rnams lhan du gsan/ klu khang du skye ba kun tu rjes su 'dzin par gsol btab gnang bar rdo rje 'chang gis zhal gyis 'ches/ khyab bdag dbang phyug rab brtan brgya tshor phebs pa'i zhabs phyir 'byon rtsis la zha lu nas gdan 'dren byung ba'i phyir bteg zhor dga' ba gdong du bzhugs sar rdo rje 'chang tshar pa chos rje'i phyag bris kyi dpe mang du byung ba slar rdo rje 'chang dang mjal skabs 'bul ba mdzad/ 'phags yul nas nang pa sangs rgyas pa'i paNDi ta khungs btsun byon pa'i rjes ma paN chen nags kyi rin chen nas brgyud pa'i sbyor ba yan lag drug gi nyams 'khrid rin po che shAkya seng ge la rgyas par gsan/ sor sdud kyi skabs mun mtshams zhag bdun mdzad/ chag lo gsum pa rin chen chos kyi rgyal pos mdzad pa'i dus 'khor chos 'byung sogs lung mang du gsan/ rdo rje 'chang shangs nas sa pho rta'i ri phug tu phebs sku mtshams yun ring bar gnang ba grol rjes sgrub khang nas mkhas grub dpal ldan don grub dang lhan cig tu dus 'khor sdom chen gyi dbang / gur mgon gyi rjes gnang kha shas/ snyan brgyud kha skong sogs be'u bum phal cher gyi lung dang rje nyid kyis sger du 'jigs byed rA lugs 'od zer dri med gtsug tor dri med phyag rdor 'gro bzang gi dbang dang lung rjes gnang du ma gsan/ bdag 'khrul zhig rin po che'i dus zhabs phyir e yod zhus