[A:51]la myur ba sogs kyi nus pa yin 'dug pas thugs las ci yang mi gnang ba rang zhu gsung pa byung zhing / thun bar du gsol 'debs pad dkar bzhad pa'i chun por/ /lte ba'i padmar rlung lnga'i ti la ka /rtse gcig bsgoms pas kha sbyor rnal 'byor gyis/ /lus sems rtsa la dri bzhon zhugs gyur nas/ /bde ba mchog gis bdag rgyud tshim par shog /ces pa'i rje btsun yab dang thun mong ba'i rtsa dbu ma'i nyams 'khrid kha'u brag rdzong pa'i bzhed pa ma nor ba de dang / mchog gi sprul sku rig 'dzin mnga' ris pa legs ldan rdo rjes chu bo ri nas gdan drangs pa'i bla ma sku gsum gyi nyams 'khrid zab mo 'bul ba gnang bas sku khams 'dus pa la shin tu phan pa byung / ljags bsnyen snga ma rdzogs shing phyis ma tshugs pa'i bar rje bka' 'gyur bar dbang lung gi rigs du ma 'bul ba gnang / drung chen 'das po'i dge sgrub tu dkon mchog la mchod pa/ sgrub mchod/ mi 'khrugs pa'i sku 'bum phrag gsum/ sAtstsha kaM ka ni'i gzungs bzhugs pa 'bum phra gcig /sku'i rten du bu ston thams cad mkhyen pa dga' ldan du bzhugs pa'i zhing bkod bzhengs nas rin lding grwa tshang du sbyar/ gsung gi rten du 'phags pa brgyad stong pa bzhengs nas rje btsun bka' 'gyur ba chen por phul/ thugs kyi rten du 'od zer dri med dang gtsug tor dri med kyi ljags bsnyen sngon du 'gro bas byang chub chen po'i mchod rten phal thog gsum tsam la dri med kyi srog shing 'dzugs pa'i cho ga gzungs 'bul rab gnas rgyas par gnang bas bla ma dam pa nyid kyi mi 'phrog