[A:66]gzims khang rnam grol yang rtse rtsa ba nas 'bul ba mdzad pas thugs dgyes pa'i rtse mor phyin/ khyab bdag bka' 'gyur bas mkhan po/ rje 'di nyid kyis las slob mdzad nas brtul zhugs spyod pa'i he ru kaH kong smyon rdzogs chen pa nam mkha' 'jigs med kyi gra slob shel brag tu sdod mkhan 'ga' zhig rab byung bsnyen rdzogs su sgrub pa mdzad/ pho brang chen po sne'u sdong rtser lha gzigs phag mo gru pa mi pham bsod nams dbang phyug grags pa rnam rgyal dpal bzang po mjal bar phebs pa nged zha lu pa'i sbyin bdag gi rtsa ba yin zhes dgyes dgyes dang bsnyen bkur gzengs bstod gnang / dpal ldan bla ma dam pa bsod nams rgyal mtshan dang rnal 'byor dbang phyug yar klungs pa seng ge rgyal mtshan gyi bsti gnas rtses dang bsam gling bde ba chen po'i gtsug lag khang mjal bar phebs/ sku 'dra tshul khrims ma sogs la smon lam rdo rje'i chos skyong rnams la bka' bsgo gnyer gtad mdzad/ sger pa gzhis kar phebs zhal ngo rnams kyis bsu phyag sogs gus pas btud/ grub thob chen po'i sku brnyan gyis gtsos phyi nang gi rten rnams zhib mjal gnang skabs da lta'i rje drung ngag dbang bstan 'dzin phun tshogs dgung lo bzhi tsam 'gro ba des grub thob chen po'i sku brnyan phyag nas ma'i sku mdun nas dpe cha shog gcig ma zhig bsnams nas gzhan su la'ang ma sprad par phul ba sgra mi snyan pa'i tshe sgrub yin snang / tshur lam phan bde'i 'byung gnas zan g.yang mi 'gyur lhun gyis grub pa'i gtsug lag khang gi dbu rtse rigs gsum/ gling bzhi gling phran jo mo gling gsum dang