[A:200]pos glang skor gdan sa pa zhes 'bod pa gnang nas/ khyed rang rje dam pa sangs rgyas nas brgyud pa'i zhi byed bstan pa'i bdag po yin pas/ de kho na dar zhing rgyas pa'i thugs bsam che bskyed dgos so gsungs pa bzhin/ lugs 'di la thugs dam gyi mthil mdzad cing / 'chi med kyi rig 'dzin brnyes pas dgung lo dgu bcur nye bar bzhugs pa'i grub pa'i dbang phyug chen po 'chi med gzhon nu blo gros kyi drung nas/ zhi byed brgyud pa phyi ma'i skor las/ blo sbyong gi rtsa ba'i byin rlabs A li kA la'i brda dbang chen mo/ yi dam 'khor lo bde mchog /phag mo zhal gnyis ma lha dgu/ phag mo dmar chung khros nag /bdud rtsi bum pa/ gtum mo che chung bzhi dang bcas pa'i dbang / thugs dam bde gshegs bcu gnyis kyi rjes gnang / zhing skyong kun tu ri ka'i rjes gnang dang / ye shes kyi mgon po a gho ra'i rje gnang thun mong dang thun mong ma yin pa/ spar bu nag po'i rjes gnang / zhi byed blo sbyong lam lnga'i khrid/ gso rig pa gcer mthong gi khrid gnyis/ A li kA li gsang ba bsam gyis mi khyab pa chu klung chen po'i rgyud/ mngon dkyil dbang rjes gnang sogs kyi yig skor tshang ma/ dam pa bla mchod/ rten 'brel khang 'jug sogs rten 'brel skor/ mgon po'i skor sogs skyabs mgon dam pa nyid nas gsan/ rje 'di ding rir sang pheb rgyu'i nub mo bla ma'i mnal ltas su/ ding ri bla brang gi bzhugs khri'i steng du bud med shin tu yid du 'ong ba blta bas chog mi shes pa zhig gis mar me chen po spar bas yul khams spyi dang / lhag par shar phyogs su gsal bar snang ba rmi