[A:62]gtsug gi nor bu/ mdo rgyud spyi dang / khyad par yo ga'i srol 'byed chen po rgyal yum tshe sbyin dbang mos mngon sum du byin gyis brlabs pa'i grub pa'i gtsug rgyan dam pa slob dpon kun dga' snying po de nyid kyi 'phags bod kun tu rnam par 'phrul pa du mas bstan 'gro'i don rgya cher mdzad cing / khyad par ljongs 'dir rgyal bstan spyi dang / bye brag kha'u brag rdzong pa'i lugs bzang dri ma med pa de nyid gsal bar mdzad phyir bsam bzhin du sprul pa'i gar gyi rnam par rol pa/ rmor chen chos kyi rgyal po ngag dbang kun dga' lhun grub bstan pa'i rgyal mtshan dpal bzang po'i zhabs kyi padmo la gus pas btud cing / yang srid du mar bla slob tu gyur pa'i thugs kyi bag chags mngon par sad pas sngar 'dris kyi mdza' bo phrad pa ltar bla slob thugs yid gcig tu 'dres shing / ston dang bstan pa gzhan nas mi 'tshol ba'i thugs kyi dgongs pa khyad par can 'khrungs par gdon mi za la/ 'di skabs rmor chen rdo rje 'chang chos sder bzhugs zhag bco lnga tsam bzhugs kyang bka' chos gnang tshul rmor chen rnam thar na mi gsal/ de lo grwa tshang gi zhabs brtan 'bul ba dang lhan du lha ldan du chibs bskyod/ de skabs pad dkar 'dzin pa ngag dbang ye shes rgya mtsho rgyal ba mdzad pas de'i drung du gtsug phud 'bul bar mdzad/ mtshan ngag dbang sbyin pa zhes gsol/ de nas chos sder phyags pheb/ 'di skabs khe gsum chos mdzad lha ldan du dus las yol bas/ zhabs 'bring pa dge slong blo gros ye shes kyis bgyis shing / de lo nas bkra shis chos sde bla brang gi phyag mdzod dang gnyer pa sgo bstun gyis bsnyen bkur la brtson par byas/ dge slong blo gros ye shes kyang lung rtogs kyi yon tan