[A:496]shing phyag thal mo mdzad/ thugs dam grol nas zhe dgu'i bar rje rdo rje 'chang nyid kyis kye rdor sgrub mchod nar ma'i nyin re bzhin de'i lho sgo'i gsung chog dbang bskur bcas dang / zhag bdun pa'i thog mtshan byang sreg pa/ dkyil 'khor gshegs gsol sogs bdun tshigs rnam dag gi phyag bzhes kyi sgo nas rjes 'dzin dang / tshes bcu nas zhag gsum ring sku gshegs kyi ljags bsnyen kha skong bcu cha'i sbyin sreg spel tshig can bcas mdzad/ spur khang dang gdung rus bsdu ba sogs 'jam mgon des mdzad nas spur sgam tshur 'byon dus mchod phreng nyung ngu'i sil snyan gyi sgra snyan du lhung bas thugs skyo lhang gi mur/ e ma 'dus byas thams cad ni mi rtag pa zhes gsungs pa'i snang tshul ni 'di 'dra dgongs pa'i ngang du dar tsam zhig 'byams/ bcu bzhi nas zhag lnga'i ring ngor du dge 'dun lnga brgya skor la bsnyen rgyas dang / dbus lho byang la dgongs rdzogs sgrub mi ched mngags kyis lha sar jo zhal rnam gnyis/ rang byon bcu gcig zhal/ byams pa mched lnga/ byams pa chos 'khor/ lo ke shwa ra rnams la snyan shal/ byang chen rgyal tshab rin po che/ bsam yas/ khra 'brug /yar klung shel brag rnams kyi rten gtsor yang snyan shal/ rnam grong rdo rje 'chang la bsngo rten sman par/ gos jus yug /gong dkar 'dus sde nas gur rigs bsdus/ kye rdor bka' babs bzhi/ gza' yum/ bdag med ma/ gsang 'dus mi bskyod pa/ 'jam rdor/ sgrol ma bcu bdun/ gur sgrol/ a ra pa tsa na/ rigs gsum spyi/ bde mchog lU nag dril gsum/ phag mo so bdun/ 'jigs byed ro langs brgyad bskor/ bcu gsum ma/ zhe dgu ma/ sgyu ma chen mo/ kun rig /rnam bir/ gshed dmar lha lnga/ bcu gsum ma/ dgra