[A:325]bshags pa mdzad pas sgrol ma zhal gzigs/ khyod kyis theg pa chen po'i bstan bcos mang du gyis shig /sdig pa byang bar 'gyur ro gsungs/ de nas phyis/ rgyal po ma hA pA la'i dus su/ pr-ikSha pu ri zhes bya ba'i gnas gzhi bzang po zhig phul/ bi kra ma shI la'i paNDi ta'i satra yang phul nas chos kyang mang du gsungs/ snyan pa'i grags pa cher byung / bslab btus dang / spyod 'jug /nam mkha'i snying po'i mdo sde sogs la bsdus 'grel re yang mdzad/ mdo sngags kyi bstan bcos thor bu brgya rtsa tsam mdzad do/ /de lta bu'i slob dpon dze ta re'i dgra las rnam rgyal de nyid ni dgung lo brgya dang bcu gnyis bzhugs/ dgung lo brgyad nyid kyi thugs sras/ thog mar ma he'i rdzi bo nas shing 'khogs pa zhig yin pa la/ slob dpon gyis 'jam dpal dkar po'i gdams ngag gnang zhing bsgoms pas/ mkhas pa chen por gyur pa paNDi ta ma ti'am/ sgeg pa'i rdo rje/ nor bu gling pa sogs mtshan gyi rnam grangs dang ldan pa der gnang ba sogs ngo mtshar gyi rnam par thar pa rab tu gsal ba de nyid kyi sprul pa'i rol gar du gdams pa dang / gzhan du na 7skyabs gcig rdo rje 'chang chen po de nyid kyi zhal lung rje btsun sa skya pa'i gdung rabs rin po che'i zhal skong las 'di ltar gleng bar mdzad de/ sgro mo lung pa mang thos bsod nams chos 'phel gyi sku skyer ngos 'dzin byed cing / rang yang de yin khul gyis/ gnas gsar rjes rnam thar na'ang ham lab tshad med bris yod gsungs pa dang / kho bos spre'u snron zla'i tshes mgor mngal bzung / dpon slob de rgyal zla'i nang du gshegs gsungs pas lo zla'i bab kyang 'grig pa dang / gang ltar gnas gsar rje'i rnam thar na 'di ltar 'byung ste/ gnas gsar rdo rje 'chang de nyid kyis sgro mo lung pa mang thos bsod nams chos 'phel gyi