[A:634]rnams phul ba sogs 'phral phugs kyi la nye'ang bzang / de nas khal kha'i rdo rje thu she ye thu rgyal po tshe brtan rdo rje/ sras tshe ring ye shes rdo rje/ thA ji mi 'gyur rdo rje/ dpon mo 'od zer skyid sras mo no yon khu ru/ mchod gnas e rten ne jo bo'i dge bskos bla ma dge bdun bcas nas dpal ldan sa skya pa'i sbyin bdag mdzad rgyu'i dgongs gtad can de dag nas dngos 'bul nam mkha' mdzod sgo dbye ba lta bu'i gsung lan du 'di ltar grol te/ khal kha'i thu she ye thu rgyal po tshe brtan rdo rje zhes sngon dus chos rje khu dbon gyi bstan pa'i sbyin bdag go dan dang se chen rgyal brgyud phyis sog yul g.yon ru'i dpon khag gras su byon pa'i nang nas/ da lam khal kha'i rdo rje sogs nas/ e rte ne jo bo dge bskos chen mor gsung ngag sogs chos bka' du ma bcas dgos tshul gnang ba de bzhin tshang ma 'bul shin tu spro yang / chos bka' de dag rgya che zhing / lag len grangs mang po zla ba tsam gyi ring la 'grub dka' bas/ da lam rten 'brel sarga dang po nged rang nas gur mgon lha bcu gnyis ma'i rdul tshon gyi dkyil 'khor du dbang bskur ba dang / lung kha shas/ zur 'chad nas chos bka' ma nyung tsam dang bcas/ dpal kye rdo rje'i bshad rgyud thun mong ma yin pa mkha' 'gro ma rdo rje gur gyi le'u bco lnga pa nas gsal bar bstan cing / 'grel byed kyang sangs rgyas gnyis pa klu sgrub kyis Arya de ba la gnang / de nas rnal 'byor dbang phyug birWa pa/ shar phyogs nag po pa/ bram ze mchog sred nas rim bzhin brgyud pa'i chos skor sku gsung thugs kyi rten dang bcas pa rgya gar nas lo chen rin chen bzang pos spyan drangs pa'i dpal rdo rje nag po chen po rten dang bcas pa 'di nyid kyi bka' gung thang mal lor babs/ de nyid kyis sa skya pa chen por stsol bar mdzad pa'i mal gyi