[A:382]so// // ! gnyis pa bye brag theg chen gyi chos nyan bshad kyi phan yon ni/ gzhi'i dus su theg dman gyi dge ba zil gyis gnon cing rigs gsos thebs pa dang / lam gyi dus su sgrib pa ma lus par spong bas bsod nams gzhan las lhag pa dang / 'bras bu'i dus su rnam mkhyen thob par nges pa'o/ /dang po ni/ shes rab kyi pha rol tu phyin par/ stong gsum gyi stong chen po'i 'jig rten gyi khams kyi sems can de dag thams cad dgra bcom pa nyid thob par 'gyur la/ dgra bcom pa de dag gi sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / sgom pa las byung ba'i bsod nams bya ba'i dngos po gang yin pa de la/ kun dga' bo 'di ji snyam du sems/ bsod nams kyi phung po de mang ba yin nam gsol pa/ bcom ldan 'das mang lags so/ /bde bar gshegs pa mang lags so/ /bka' stsal pa/ kun dga' bo de bas kyang su zhig byang chub sems dpa' sems dpa' chen po la shes rab kyi pha rol tu phyin pa dang ldan pa'i chos tha na nyi ma gcig ston na/ de bsod nams kyi phung po ches mang du skye'o/ /zhes pa nas/ kun dga' bo 'di ni byang chub sems dpa' sems dpa' chen po de'i chos kyi sbyin pa ste nyan thos kyi theg pa thams cad dang / rang sangs rgyas kyi theg pa pa'i gang zag thams cad kyi dge ba'i rtsa ba thams cad zil gyis gnon pa'o/ /zhes sogs gsungs so// // ! gnyis pa ni/ rgyud bla mar/ gang zhig byang chub don du gnyer bas gser zhing nor bus spras pa ni/ /sangs rgyas zhing rdul mnyam pa nyin re chos rgyal rnams la rtag 'bul la/ /gzhan gang 'di las tshig gcig thos shing thos nas kyang ni mos na 'di/ /sbyin pa las byung dge ba de las bsod nams ches mang thob par 'gyur/ /blo ldan gang zhig bla med byang chub 'dod pas bskal pa du mar yang / /