[A:40]bzhin gshegs pa'i rigs kyi bdag po 'jam dbyangs a ra pa tsa lha lnga'i rdul tshon gyi dkyil 'khor du/ rje btsun rin po che dang gu ge paN chen gyis mdzad pa'i mngon dkyil/ thar paN gyi gsal byed/ sangs phun pa'i mtshams sbyor rnams kyi steng nas dbang bskur ba dang / rgyud sde gsum pa rnal 'byor rgyud kyi zhe sdang can rjes su bzung ba dum bu gnyis pa'i bshad rgyud khams gsum rnam rgyal gyi rtog pa shes rab gtso bor bton pa las 'phros pa'i ngan song sbyong rgyud las gsungs pa'i kun rig rtsa ba'i ras bris kyi dkyil 'khor du ngor chen rdo rje 'chang gi yig cha rnams dang / dkon lhun gyi mtshams sbyor rnams kyi steng nas dbang bskur ba dang / rgyud sde bzhi pa rnal 'byor bla na med pa'i pha rgyud gsang ba 'dus pa mi bskyod rdo rje lha so gnyis kyi ras bris kyi dkyil 'khor du ngor chen rdo rje 'chang gi yig cha rnams dang / sngags 'chang kun dga' rin chen gyi mtshams sbyor rnams kyi steng nas dbang bskur ba dang / gsang 'dus 'jam pa'i rdo rje lha bcu dgu pa'i rdul tshon gyi dkyil 'khor du kun mkhyen yig cha rnams dang / rje rang gis mdzad pa'i mtshams sbyor rnams kyi steng nas dbang bskur ba dang / kun mkhyen bsod nams seng ge dang / sangs rgyas ye shes kyi yig cha'i steng nas gsang 'dus spyan ras gzigs lha bcu dgu'i ras bris kyi dkyil 'khor du dbang bskur ba dang / pha rgyud zhe sdang can gtso bor 'dul ba'i gshed skor la/ ngor chen rdo rje 'chang gi sgrub dkyil dang / shar chen byams pa kun bkras pa'i dkyil chog nag 'gros/ thar paN gyi mtshams sbyor rnams kyi steng nas gshed dmar lha lnga'i rdul tshon gyi dkyil 'khor du dbang bskur ba sngon du 'gro bas/ 'jam