[A:67]sdong ma'i yi ge dang / bsang gzhung thugs rje tshad med rnams kyi lung bcas gsan cing thugs su chud par mdzad do/ /yang rje 'di dgung lo bcu drug tu son pa kun ldan gyi lor/ dpal e wa~M chos ldan gyi gdan sa pa chen po mdo sngags chos tshul rgya mtsho'i mnga' bdag mkhan chen sangs rgyas grags pa cung zad sku khams ma bde ba'i tshul bzhes par brten/ lo der phyogs mtha' dag nas 'dus pa'i don gnyer rnams la gsung ngag rin po che'i chos 'khor bskor ba'i ched du/ shar chen chos kyi rgyal po klu ldings mkhan chen rin chen mi 'gyur rgyal mtshan gyi sku'i dbon po/ lung dang rtogs pa'i yon tan du ma la dbang bsgyur zhing / chos srung dang nor lha mang po bran du 'khol bar grags pa'i klu ldings zhabs drung rin po che kun dga' ye shes dbang phyug pa nyid mi 'jigs gdong lngas bteg pa'i khri 'phang mthon por mkhan tshab tu mnga' gsol te/ chos kyi 'khor lo bskor ba rnams rje 'dis gsan pa yin te/ de'ang thog mar pha dam pa nas brgyud pa'i 'jam dpal smra ba'i seng ge'i rjes gnang stsal nas/ de'i rjes su grub chen bi rU pa'i thugs bcud dpal ldan sa skya'i bla chen rnams las rim par brgyud pa'i gsung ngag rin po che lam 'bras bu dang bcas pa'i chos skor dngos la/ thog mar bla ma tshad mar bya ba'i phyir snang gsum gyi skabs kyi snga chos su/ bla ma brgyud pa la gsol ba 'debs pa chos spyod dum bu dang po dang / gnyis pa dang / gsum pa bcas e wa~M pa'i spar ma ltar dang / chos spyod dum bu dang po'i kha skong mkhan chen nam mkha' bsam 'grub la gsol ba 'debs pa nas/ ngag dbang chos skyong bzang po'i gsol