[A:68]'debs kyi bar dang / sangs rgyas phun tshogs kyis mdzad pa'i e wa~M pa'i gdan rabs rnams kyi rnam par thar pa nor bu'i phreng ba bcas kyi lung / nyams myong tshad ma rgyud la skyed par byed pa'i thabs su ngag dbang brtan pa'i rdo rjes mdzad pa'i khrid yig gi steng nas pha rol tu phyin pa dang thun mong ba'i nyams len sngon 'gro snang ba gsum gyi khrid dang / brgyud pa'i khyad par gnyis ldan gyi sems bskyed/ de nas dbang gi mngon par rtogs pa brgyad dang ldan pa'i rdul tshon gyi dkyil 'khor du dkon mchog lhun grub pa'i yig cha rnams kyi steng nas dbang bskur ba dang / lam gyi dngos gzhi rgyud gsum gyi sgo nas bkri ba la/ thog mar lta bas spros pa gcad pa'i slad du lta ba 'khor 'das dbyer med kyi khrid/ bar du lam gyi nyams bskyed pa'i slad du dbang bzhi dang rjes su 'brel ba'i lam bzhi las/ dang po bum dbang la/ spang bya tha mal gyi rnam rtog 'joms par byed pa phyi bskyed pa'i rim pa'i khrid/ de skabs kyi snga chos su lung dang bstan bcos tshad mar bya ba'i ched du rje btsun gyis bsgrigs pa'i lam 'bras pod ser gyi lung / de nas phyi rol tu zhen pa'i gdon gyi gnyen por slob dpon gyi zab mo lus kyi dkyil 'khor du dbang bskur ba byams pa kun dga' bkra shis kyi yig cha ltar stsal/ skabs der bar chad kyi rnam pas/ shar chen kun dga' ye shes dbang phyug pa nyid bsnyun tshul drag po zhig bzhes par brten/ mkhas dang grub pa yongs kyi gtsug rgyan gcig pur gyur pa rin chen mi 'gyur rgyal mtshan pa nyid e wa~M bla brang du phebs te/ gong du zhabs drung rin po ches stsal grub pa'i khrid rnams dmigs rkang bzhi'i khongs su bsdus nas/ de 'phros spang bya gya nom lhar zhen gyi gnyen por yang gyur pa'i nang bskyed pa'i rim pa dang / lta ba ngo