[B:8b]གཏོར་ཚོགས་དཔག་ཏུ་མེད་པའི་རྣམ་པ་བཤམས་ནས་རོལ་ཆ་ཅི་འབྱོར་གྱིས་གཏོར་སྒྲུབ་མཛད་པའི་ཚུལ་དང་། ཡང་ཁ་ཅིག་གདོན་བགེགས་ཀྱིསཀྱི་གཙེར་བའི་རྣམ་པ་བྱེད་དུ་བཅུག་ལ་དེ་དག་དྲག་ཤུལ་གྱིས་སྐྲོད་པའི་སྣང་ཚུལ་མཛད། ལ་ལ་བགྲོའགྲོ་གླེང་རྩེ་བའི་ཚུལ་ཡང་བྱེད་དུ་འཇུག་ཕལ་ཆེར་རྟེན་གསུམ་ལ་ན་བཟའ་མཆོད་པ་སོགས་བཀུར་བསྟི་དང་ཕྱག་མཛད་ནས་བྱིན་གྱིས་ཆོས་ཉན་པའི་ཚུལ་མཛད་པ་སོགས་རོལ་རྩེད་ཀྱི་སྐབས་སུ་ཡང་དམ་པའི་སྤྱོད་ཚུལ་ཁོ་ནས་དུས་འདའ་བ་ལས་བར་མ་དོ་ཐ་མལ་གྱི་རྣམ་དཔྱོད་ཅུང་ཟད་ཙམ་ཡང་མི་མངའ་བས། ཀུན་གྱིས་ངོ་མཚར་ཞིང་བསྔགས་པའི་ཡུལ་དུ་བྱེད་དོ། ། འདིར་སྨྲས་པ།
ཇི་ལྟར་ཉི་[A:22]གཞོན་བསྒྲིབས་དང་མ་བསྒྲིབས་ཀྱང་། །
མུན་པ་དག་དང་ནམ་ཡང་ལྷན་ཅིག་མིན། །
རྒྱལ་བའི་སྲས་པོ་སར་པའི་ངང་ཚུལ་དུའང་། །
ཐ་མལ་གྱུར་པའི་རྣམ་པ་ག་ལ་མཆིས། །
གཞོན་ནུའི་དུས་ནས་ལེགས་མཛད་མེ་ལོང་དུ། །
བག་ཡོད་ཀུན་སྤྱོད་ཚོན་རིས་རྣམ་བཀྲ་དང་། །
ཐོག་མ་མེད་ནས་དམ་པའི་ངང་ཚུལ་ལ། །
ཤིན་ཏུ་གོམས་པའི་སྣང་བརྙན་འཕོས་པ་བཞིན། །
ཆེན་པོ་གཙུག་རྒྱན་ནོར་བུའི་ས་འཛིན་རྩེར། །
ཞབས་སེན་ཉི་མ་གསར་པའི་ཐིག་ལེ་ནི། །
རྟག་པར་འཆར་ལས་ཕན་བདེའི་འདབ་བརྒྱ་ཡང་། །
གདུལ་བྱའི་མོས་སེམས་དྭངས་པའི་ཆུ་མཚོར་བཞད། །
བསོད་ནམས་བརྒྱ་ཡིས་མཚན་པ་མགོན་ཁྱོད་ཀྱི། །
གཟུགས་སྐུའི་སྐྱེ་མཆེད་རྒྱལ་བའི་ཞལ་སྐྱིན་དེ། །
བལྟ་བས་ངོམས་པ་མེད་བཞིན་སྐལ་ལྡན་དག།
དགའ་དང་མོས་པ་འཕེལ་བའི་མིག་མི་འཛུམ། །
དཔལ་ལྡན་བླ་མ་དམ་པའི་རྣམ་པ་ཐར་པ་ངོ་མཚར་རིན་པོ་ཆེའི་གཏེར་མཛོད་ལས་གཞོན་ནུ་རོལ་རྩེད་ཀྱི་སྐབས་ཏེ་གསུམ་པའོ། ། ། །
CHAPTER 4: Secular Activities; A: pp. 22-28; B: ff. 8b7-10b1; C: pp. 17-21
བཞི་པ་འཇིག་རྟེན་དང་མཐུན་པར་མཛད་པའི་ཚུལ་ནི།
ཀུན་གཟིགས་མཁྱེན་སྤྱན་ཡངས་པས་ཕན་བདེ་