[B:34b]བསྲུབས་པའི་སྙིང་པོར་གང་གྱུར་པ། །
དངོས་གྲུབ་རོ་བརྒྱ་ལྡན་པའི་བཅུད་ཆེན་པོ། །
ལྷག་པའི་ལྷ་ཡི་ཞལ་ལས་མངོན་སུམ་བཞེས། །
ཁྱབ་བདག་རྡོ་རྗེ་སེམས་དཔའི་ཞལ་ལུང་གིས། །
གྲུབ་པའི་འཁོར་ལོས་སྒྱུར་བར་དབང་བསྐུར་ནས། །
མ་[A:107]ལུས་རྒྱུད་སྡེའི་གསང་མཛོད་ཀུན་འཛིན་པས། །
དབང་བཞིའི་དགའ་སྟོན་འགྱེད་ལ་ཐོགས་པ་མེད། །
དད་བརྩོན་བློ་ཡི་ནོར་ལྡན་སྐལབསྒྲལ་ཆེན་པོ། །
བླ་མེད་རྫོགས་པའི་བྱང་ཆུབ་ཆེན་པོའི་སར། །
ཚེ་འདི་ཉིད་དུ་བདེ་བླག་འགོད་པ་ལ། །
ཁྱབ་བདག་རྡོ་རྗེ་འཆང་དབང་མངོན་སུམ་གྱུར། །
དཔལ་ལྡན་བླ་མ་དམ་པའི་རྣམ་པར་ཐར་པ་ངོ་མཚར་རིན་པོ་ཆེའི་གཏེར་མཛོད་ལས་མཆོག་དང་ཐུན་མོང་གི་དངོས་གྲུབ་བརྙེས་པའི་སྐབས་ཏེ་དགུ་པའོ། ། ། །
CHAPTER 10: THE FOUNDATION AND INVENTORY OF GONG DKAR RDO RJE GDAN; A: pp. 107.9-151; B: ff. 34b3-46a4
src: The input of the following chapter is done on the basis of the published text (A); readings of the blockprint (B2) are indicated for the first section only
།། བཅུ་པ་བསྟན་པ་སྤྱི་དང་ཁྱད་པར་གྱི་རྩ་ལག་ཏུ་གྱུར་པའི་མཛད་པ་བསྟན་པ་ནི།
།ཀུན་དགའི་རིང་ལུགས་ཤིང་རྟ་ལ་བཅིབས་ཏེ་།
།རྣམ་དག་བཤད་སྒྲུབ་ལམ་གྱི་སྲོལ་ཕྱེཕྱེས་ནས།
།རྒྱལ་བའི་བསྟན་པ་ཆེས་ཆེར་གསལ་མཛད་པ།
།དཔལ་ལྡན་མཁས་བཙུན་བཟང་པོ་རྒྱལ་གྱུར་ཅིག
།ཐུབ་དབང་བསྟན་པ་ཐ་མར་གྱུར་པ་ན།
།ལོག་སྨྲའི་ཆོས་སྤྱོད་ཆེས་ཆེར་འཕེལ་བའི་དུས།
།དྲི་མེད་བསྟན་པ་ཕྱོགས་བཅུར་རྒྱས་ཕྱིར་དུ་།
།བསྟན་པའི་སྲོག་ཤིང་ཆེན་པོ་འཛུགས་པར་མཛད།
Motivation for founding the monastery
།དེ་ཡང་བདག་ཅག་གི་དཔལ་ལྡན་བླ་མ་ཐུབ་དབང་གཉིས་པ་དེ་། །སྔོན་གྱི་སྨོན་ལམ་དང་། །ལུང་བསྟན་གྱི་མཐུ་དང་། མཁྱེན་པ་དང་[A:108]བརྩེ་བའི་སྤྱན་ཡངས་པས། སྙིགས་མ་ལྔ་བདོ་བའི་དབང་གིས་བསྟན་པ་འཛིན་པའི་མཁས་གྲུབ་ཀྱི་སྐྱེས་ཆེན་ཕལ་ཆེར་ནི་ཆོས་ཀྱི་དབྱིངས་སུ་ཞུགས། དམ་པ་རྣམས་ཀྱིས་བཏབ་ཅིང་བཤད་སྒྲུབ་ཀྱི་བཀའ་སྲོལ་ཡོད་པ་རྣམས་ཀྱང་རིམ་གྱིསདམིགས་ཀྱིས་བགྲིབསབསྒྲིབས། ཅུང་ཞིག་དར་རྒྱས་དང་སྲོལ་ཡོད་པ་རྣམས་ཀྱང་ལོག་པར་སྤྱོད་པ་ཆེར་མང་བས། །སྐྱེས་བུ་སྐལ་ལྡན་དད་པའི་ནོར་ཅན་རྣམས་རྗེས་སུ་གཟུང་ནས། བསྟན་པའི་སྙིང་པོ་ལ་གཟུད་དེ་རིས་མེད་པའི་བསྟན་པ་ཕྱོགས་བཅུར་རྒྱས་པ་དང་། ལྷ་དང་བཅས་པའི་